ژمارێوە فرە کۆچبەرۍ ڕوێنە جە بەحرو مانێشی پڕێنێوە پەی بەریتانیای
ژمارەو ئا کۆچبەرا کە جە ساڵۊو ٢٠٢٥ینە جە بەحرو مانێشینە پڕێنێوە پەی بەریتانیای یاوا بەرزتەرین ئاستو ۋێش. جە ڕوێنە هەزار و ١٩٤ کۆچبەرۍ پڕێنێوە.
تەنیا جە ٣١و ئایارینە هەزار و ١٩٤کەسۍ بە بەلەمی گولانە ڕێوە فرە مەترسیڎارەشا بڕیێنە و یاوێنۍ بەریتانیا، ئینە فرەتەرین ژمارەن کە جە ڕوێنە تۆمارکریان.
جە سەرەتاو ئېساڵیوە تا ئیساتۍ ١٤هەزارۍ و ٨٠٨کەسۍ بەحرو مانێش-یشا ۋېیەرنان و ۋێشا یاونان کەناراوەکا بەریتانیای.
سەرەڕاو ئا ڕاوجایا کە گیریێنێنە ۋەر، بەڵام بە پاو ئامارە فەرمییەکا ژمارەو پەنابەرا کەمش نەکەرڎەن. بە مقارەنە بە ساڵەی ۋېیەردۍ ٣٦ هەزارۍ و ٨٠٠ کۆچبەرۍ ۋێشا یاونان بەریتانیا.
حەرچنە فرەو وەختی ئی پڕایۊیۍ بە کارەسات دمایشا ئامان. پەی نمونەی جە ئېساڵەنە لاوکەمیۆ ١٥کەسۍ جە بەحرەنە گیانشا جە دەسدان. جە ساڵۊو ٢٠٢٤ینە هەرپاسە ٧٨ کۆچبەرۍ جە بەحرو مانێشینە گیانشا جە دەسدا.
