چی ژمارەو گۆڤارەکەینە ڕووەدایەکې دماو 'بانگەوازو ئاشتی و گلېرگەی دیموکراتیک'ـی ڕابەر ئاپۆی، هەرپاسە شۆڕشو ۋەرنیشتی (شۆڕشو ژەنې)، مڎرامانو ڕۆچې مەردەی گۊرەو ١٤و تەممووزی کە بی بە سەرچەمەو ڕێکوستەبیەو ئەنتەرناسیۆناڵی کۆمیناڵی، کۆنفیدراڵیزمو جەهانی ژەنا، ئەزموونە جیاوازەکې وڵاتا جەهانی، جەنگو بەینو ئیسرائیلی و ئێرانی و چڼین مژارې تەرې هۊرسەنگیێنې.

چی ژمارەنە نویستەیې ورد و بنکۆڵکاری بەنامونیشانو 'بنیاڎنیای ئاشتی کۆمەڵایەتی' تولای حاتەم ئۆغوللاریې هامسەرۆکۊو گرڎیی دەم پارتی یاگێش گرتێنە و چنەشەنە بە وردی باس جە ڕووەدایەکا دماو 'بانگەوازو ئاشتی و گلېرگەی دیموکراتیک'ی مکەرۆ. هەرپاسە نوویسەرە سەرنجش وستەن سەرو ئا هەرمانو کۊششەی پەی ئانەی کریان.

هەر جە گۆڤارەکەنە کوردەسان لەزگەڤا بە نوویستەیې سەرنجش وستەن سەرو لوایڕاوەو کۆنگرەو نەدای کە جە ڕوانو ١٥-١٧و ئاداری جە سلێمانینە بە بەشداری ٢٠٠ ژەنا جە ١٩ وڵاتا جیاوازیوە لواڕاوە.

جە بەشەکا تەرو گۆڤارەکەینە چڼین نویستەیې و ئەوەکۊڵیې دەربارەو پرسەکا پېسە ئیکۆلۆژیای، جەنگەکا ۋەرکۊتوو مېیامینی و بەتایبەت جەنگو بەینو ئیسرائیل-ئێرانی جە ۋێش گێڕۆ.