چالاکییەکاو ژەنە  گەنجە کۆشەرا (تێکۆژەن)ی و ژەنە گەنجە ئەنتەرناسیۆنالیستا بە داواو ئازادیی جەستەیی ڕابەروو گەلوو کوردی عەبدوڵا ئۆجالان، ٣ ڕوێن بەردەواما.

ڕۆو یەرەموو چالاکییەکانە چوارچوەو هەڵمەتەو "ئازادیی پەی ڕابەر ئاپۆی، چارەسەری سیاسی پەی پەرسەو کوردی" کە تا ٧و  تەمووزی بەردەوام مبۆ، بۆنەو وارانی لێزمەیۆ ناوەندوو جڤاکی کوردی دیموکراتیکوو ستراسبۆرگینە سیمینارێوە ڕێک وزیا، وێستگەی ناوەندیی ستراسبۆرگیچنە ش وێنیشانەدای کریا.

 سیمینارەکەنە دەربارەو "هەقیقەتوو ڕابەرێتی"یوە، قسەوباس کریا سەروو گۆشەگیریی ڕەهاو ڕابەروو گەلوو کوردی عەبدوڵا ئۆجالانی و ئا کێشا مۆدێرنیتەی سەرمایەداریخولقنێنێ و تا مێ قووڵتەرێ مباوە. ئەوەخوای کریاوە چارەسەروو کێشە جڤاکی و سیاسی و ئیکۆلۆژییەکا، پارادایموو کۆنفیدراڵیزمی دیموکراتیکیا، جەخت کریاوە هۆکاری سەرەکیی گۆشەگیریی سەروو ڕابەروو گەلوو کوردی عەبدوڵا ئۆجالانی، گۆشەگیرکەردەی فیکروو ئادین.

سیمینارەکەنە پرسیارەو "وەختێو باس جە ڕابەر ئاپۆی مکریۆ، هەست بە چێش مکەران؟" پێویسیی کۆشیای ئینتەرناسیۆنالیستییش نیشانە دا. جە جوابەکانە کۆشیای هامبەشوو ژەنا دژوو دەسەڵاتی و پیاسالاری بەرکەوت، ئەوەخوای کریاوە مەیدانی وەشکەروو ئی کۆشیایە هامبەشا، ژەنۆلۆژیین. هەرپاسە وچیا: "ڕابەر ئاپۆ مەیدانوو ڕێکوستەی و کۆشیایش پەی ژەنا خولقیا، وانایوە و ژنەوای ڕابەر ئاپۆی مشۆم بۆ بە شێوازوو ژیوای پەی ژەنە گەنجا. ئێمە یارای جە هەقیقەتوو ڕابەرێتییوە ورمگێرمێن".

جوابەکانە ئەوەخوای کریاوە، کەسێتیی ئازادیواز و کۆشەروو ڕابەروو گەلوو کوردی عەبدوڵا ئۆجالانی کاریگەریێوی گەورەش کەردەن سەروو ژەنا، قسەکێ ڕابەروو گەلوو کوردی عەبدوڵا ئۆجالانی یاد وزیاوە کە ماچۆ: "شمەی ژەنە گەنجا مشۆم خاس بیاودێمەنە، چونکوم فاڕای زیهنیەتی بە دەسوو شمەن". سیمینارەکە بە درووشموو "بێ سەرۆکی ژیوای نمەبۆ" و "بژیوۆ سەرۆک ئاپۆ"ی دماییش ئاما.

دمایی ژەنی وەڵاوکریاێوەشا دەربارەو گۆشەگیریی ڕابەروو گەلوو کوردی عەبدوڵا ئۆجالانی و سیستموو  قڕکەردەی ئیمراڵی وەڵا کەردۆ. 

دمایی ژەنی گەنجێ ئیتاڵیێ و کوردێ وێستگەی ناوەندی ستراسبۆرگینە بە دووێ گرووپێ سەمای وێمانەشا کەرد، نمایشەکە بە درووشموو "ژەنی، ژیوای، ئازادی" و "ئازادیی پەی ئۆجالانی" و "بێ سەرۆکی ژیوای نمەبۆ" دماییش ئاما.