ئەندامو کۆمیتەو زینانەکاو پاژکی، ڕۆزەرین ئۆجالان بۆبۆ ٨ و ئاداری ڕۆو جەهانی ژەنە کرێکاراوە پەی ئاژانسو هەواڵو فوراتی (ANF) قسێش کەردە. سەرەتا چنی داواکارییەکەو ڕابەر ئاپۆی پەی "ئاشتی و گلێرگەی دیموکراتیک"، ی ٨ و ئاداری جە ڕابەر ئاپۆ ی و گرڏو ژەنا زینانی و ژەنا سەرنیشتوو و وەرکەوتوو سوریای موبارەک کەرد.

ڕۆزەرین ئەرەیاوناش سەدەو ٢١ بۆ بە سەدەو ژەنا و واتش: "ئا کەسەی واتش سەدەو ٢١ بۆ بە سەدەو ئازادیی ژەنا، رابەر ئاپۆ بی.

ڕابەر ئاپۆ ساڵەو نەوەکانە ئەرەیاوناش مشۆن شۆڕشو کوردەسانی بۆ بە شۆڕشو ژەنا. چی سەدەنە ،وبارەک بای ئازادیی ژەناش ئەرەیاونا و بەپارتیبییەو ژەناش پێکئارد. ڕاوانگە و ڕێکوستەی و یاوانە و چالاکیش پەی شۆڕشو ژەنا جاهانی نییارە و تەڤگەرو ژەنا کوردەسانیش ئەرەمەزنا.

ڕابەرایەتی ماچۆنە "گرڏ دەقێ و ڕووەدایێ ‌ئنەو شۆڕشی گرنگا". ئی چالاکیی کریانە، یاوێنێ بە ئاستو شۆڕشی. چی سەردەمەنە، پەنەوازا زانمێنە ئازای مانگێرتەی جە واردەی پێسەو چالاکی دیموکراتیک، هەڵوێستێوە ئاسان نییا.

هیچ سیستەمێوە هێزو ئانەییش نییا وزەو ژەنا بەدیل گێرۆنە. ڕابەرایەتی ساڵەو١٩٩٨ بە بیردۆزو ئازادیی ژەنا ئی ئیرادە و ئازاد و هێزە جەوهەرییەو ژنانیژەناش بەروست.

ژەنی مڏرامانو دلێ زینانەکا بە ئەوەکۆشای و قوربانیدایشا دەورێ گۆرە گێڵنانە پەی ئانەی تەڤگەرو ئازادیی ژەنا کوردەسانی گۆرەتەر بۆنە و بۆنە ئیلهامبەخش پەی گرڏو جەهانی. جە گرڏ یاگێ جەهانینە جەنگەکێ بە پاو بەرژەوەندی پیاسالاری ملۆڕاوە و ژەنی و زاڕۆڵێ دووچارو ناڕەحەتی مکەرا. زاڕۆڵی کوشا و ژەنی ئاوارە مکەرانە. ژەنی جەهانی هەرچنە فرەتەرین هەرمانە مکەرانە کەچی ١٠٪ و داهاتی قازانج مکەرا. دۆڵەتو تورکی، گەل و تەڤگەر و گەریلا و زاڕۆڵێ و سرووشتو کوردەسانی قڕمکەرۆ. وەراوەرو ئینەیچ بە سەرمەشقایەتی یەژاستاری مڏرامانێ گۆرە هەن.

پەنەوازا چالاکییەکێ ٨ و ئادارو ئێساڵی جیاوازێ بانە، پەنەوازا خاوەنداری چی پرۆسەیە کەرمێنە کە ڕابەر ئاپۆ دەستش پنەکەردەن. دماو ١٠ ساڵا ویناو وێنەو ڕابەر ئاپۆی، جۆش و وەشیێ گۆرەش بە ئێمە بەخشا. پنەوازا داوابکەرمێ پەی وەڵوستەی شۆڕشو ژەنێ ژیوای ئازادی. پێسەو ژەنا مشۆم داواکارییەکەو ڕابەر ئاپۆی پەی ئاشتی و گلێرگەی دیموکراتیکی پێسەو گۆرەتەرین خەڵاتی وینمێنە و پەی ویناو ڕابەر ئاپۆی ئەوەکۆشایما گۆرە کەرمێنە".