دانیشتنی دادگاییکردنی فیگەن یوکسەکداغ هاوسەرۆکی پێشووی هەدەپە لە ١٦مین دادگای سزا قوڕسەکانی ئەنقەتە بەرێوەچوو.

یوکسەکداغ لە زیندانی پیتی (ئێف)ی کاندرا لە ڕێگەی سیستمی دەنگ و دیمەنەوە بەشداری لە دانیشتنەکەدا کرد. پارێزەرانی یوکسەکداغ بەشداریان لە دانیشتنەکەدا کرد. پەرلەمانتارانی هەدەپە سەمرا گوزەل، کەمال پەکۆز و مەحمود تۆغرولیش بەشداریان کرد.

لە دانیشتنەکەدا یوکسەکداغ مافی قسەکردنی وەرگرت و خۆی پاراست و وتی،"دەستگیردنمان بەرهەمی کودەتای سیاسیە. کودەتاکە هێشتاش بەردەوامە. ٤ ساڵ بەسەر کودەتاکەدا تێپەڕ دەبێت، بەڵام سەرنەکەوت. ئێمە لە ڕووی ئابوری و کۆمەڵایەتیەوە زیاتر کاریگەری کودەتاکە دەبینین.  دەرکەوت کە کودەتا زیاتر لەبەرانبەر سیستمی یاسایی ئەنجامدراوە. ئێمە قوڕبانی ئەو کودەتایەین کە لەبەرانبەر یاسا ئەنجامدراوە."

دواتر ڕووکەن گوکئاغاجی و سەزین ئوچار پارێزەرانی یوکسەکداغ قسەیان کرد.

دادوەریش داوای کرد یەکسەکداغ لە زینداندا بمێنێتەوە.

لیژنەی دادگاش داواکەی قبوڵ کرد و بڕیاردرا یوکسەکداغ لە زینداندا بمێنێتەوە.

دانیشتنی دادگا بۆ ٢٨ی ئەلول دواخرا.

ف.ق