لە ڕۆژی ١٨ی ئابدا لە ناوچەی قلەبان-ی شرنەخ تەرمی فیردەوس باباتی تەمەن ١٧ ساڵ دۆزرایەوە، ئەحمەد بابات دەستگیرکرا. بەپێی زانیارییەکان، ئەحمەد بابات بە چەکی جاشایەتیی ڕەمەزان بابات-ی برای، فردەوس باباتی کوشتوە.

ئەوە لە کاتێکدایە جاش جەردەوان ڕەمەزان بابات لە مانگی ئایاردا دەستدرێژیی کردووەتە سەر کوڕێکی تەمەن ١٦ ساڵ بەناوی (س. گ) و داوای حازم بابات و شێخموس بابات کردووە، تاوانەکەى بۆ دابپۆشن.

دوای ئەوەی ئاژانسی هەواڵی میزوپۆتامیا پەردەی لەسەر ئەو تاوان و ڕووداوە هەڵماڵی، بارودۆخێکی نوێ سەبارەت بە دەستدرێژیکردنە سەر س.گ و هەوڵدان بۆ شاردنەوەی ڕووداوەکە هاتە پێشەوە.

لە چوارچێوەی لێکۆڵینەوەکاندا دوێنێ ڕاگەیاندرا، کە جاش جەردەوان ڕەمەزان بابات دەستدرێژیی کردوەتە سەر س.گ و بەو هۆیەوە حازم بابات-ی برای و شێخموس بابات و باوکی س.گ ، ئە.گ و دایکی بە ناوی م.گ دەستگیرکراون.

جاش جەردەوان ڕەمەزان بابات بەتۆمەتی 'دەستدرێژیی سێکسی سەر منداڵان' دەستگیرکرا و ڕەوانەی زیندان کرا.

لە بنکەى جەردەوانیی قلەبان لێکۆڵینەوەکان لە شێخموس بابات، ئە.گ و م.گ بەردەوامە. بۆ وەرگرتنی وتەی سەرەتایی س.گ برایە سەنتەری چاودێری منداڵان لە مێردین و پاشان بردرایە سەنتەری لێکۆڵینەوە و نەهێشتنی تاوان لە شرنەخ (ŞONIM).

ژ.ت