كوردان له تۆرنتۆ هێرشه‌كانی داگیركه‌ریان شه‌رمه‌زار كرد
كوردانی دانیشتووی تۆرنتۆ هێرشه داگیركه‌رییه‌كانی ده‌وڵه‌تی توركیان شه‌رمه‌زار كرد.
له شاری تۆرنتۆی كه‌نه‌دا ئه‌نجومه‌نی گه‌لی كوردی دیموكراتیك هێرشه داگیركه‌رییه‌كانی ده‌وڵه‌تی توركی شه‌رمه‌زار كرد.
كوردان له شاره‌كه له به‌رامبه‌ر داگیركه‌ریی ده‌وڵه‌تی تورك له گۆڕه‌پانی دونداس كه شوێنێكی قه‌ره‌باڵغی شاره‌كه‌یه كۆبوونه‌وه.
چالاكیه‌كه به رێزلێنان له شه‌هیدان و وتنه‌وه‌ی دروشم ده‌ستیپێكرد. له چالاكیه‌كه‌دا پۆسته‌ری رێبه‌ری گه‌لی كورد عه‌بدوڵا ئۆجالان و ئاڵاكانی یه‌په‌گه و یه‌په‌ژه به‌رزكرانه‌وه.
ده‌بێت هه‌موو گه‌نجان بكه‌ونه ئاماده‌باشیه‌وه
لێدوانی رۆژنامه‌وانی به توركی ئینگلیزی درا و له راگه‌یه‌نراوه‌كه‌دا هاتبوو، "ئه‌ردۆغانی دیكتاتۆر هه‌ڕه‌شه‌كی گه‌وره‌یه بۆ سه‌ر ئاشتی هه‌رێمه‌كه و جیهان. ئه‌و هه‌ڕه‌شه‌یه هه‌ریچمه‌كه به‌ره‌و ناسه‌قامگیری ده‌بات. سه‌رباری هه‌موو ئه‌و راستیانه‌ش بێده‌نگی وڵاتای ئه‌وروپی خزمه‌ت به ده‌وڵه‌تی تورك ده‌كات.
له‌به‌رامبه‌ر شه‌ڕی چه‌په‌ڵی ئه‌ردۆغان، چه‌كی كیمیایی كه به‌كاریده‌هێنێت و جموجۆڵی داگیركاری ئێمه بانگه‌وازی خاوه‌نداری له شۆڕشی رۆژئاوا ده‌كه‌ین.
ئێمه داوا له گه‌نجان ده‌كه‌ین كه به رۆحی كۆبانێ خاوه‌نداری له رۆژئاوا، شه‌نگال و هه‌موو كوردستان بكه‌ن، ئێمه ده‌وڵه‌تی توركی داگیركه‌ر ریسوا و شه‌رمه‌زار ده‌كه‌ین.
به بۆنه‌ی رۆژی جیهانیی ئاشتی ئێمه ده‌مانه‌وێت كه پشتیوانی له دروشمی ‘ئازادی بۆ ئۆجالان، ئاشتی بۆ كوردستان‘.
له چوارچێوه‌ی چالاكیه‌كه‌دا سه‌دان بڵاوكراوه دابه‌شكران.
چالاكی نارشه‌زایه‌تی به وتنه‌وه‌ی دروشم و چه‌پڵه‌رێزان كۆتایی هات.
هـ . ب
