چالاکوانانی تەجەشە لە شاری مارسیلیای فەرەنسا بۆ ئیدانەکردنی هێرشە داگیرکەرییەکانی دەوڵەتی تورک بۆ سەر باشووری کوردستان و بایکۆتکردنی کەرتی گەشتیاریی تورکیا، چالاکیی ناڕەزایەتیی مەدەنییان ئەنجامدا.
گەنجانی تەجەشە ئێوارە کۆبوونەوە و بە بەرزکردنەوەى ئاڵاکانی پەکەکە و پۆستەرەکانی عەبدوڵا ئۆجالان رێبەری گەلی کورد و ئاڵاکانی بزووتنەوەى گەنجانی شۆڕشگێڕ (تەجەشە) و بە پۆستەرێکەوە، کە لەسەری نووسرابوو "وەرن بەشداری جەنگی ئازادی بن" بەرەو فڕۆکەخانەى پرۆڤێنسی مارسیلیا رێپێوانیان ئەنجامدا.
لە رێپێوانەکەدا دروشمەکانی "بژی سەرۆک ئاپۆ"، "بژی بەرخودانی گەریلا" ، "بژی بەرخودان، بمری خیانەت" و "دیکتاتۆر ئەردۆغان" وترایەوە و راگەیاندراو بەسەر هاووڵاتییان و گەشتیاراندا دابەشکرا.
ژ.ت
