دۆناڵد ترەمپ ئەرەیاۋناش پېوەس بە جەنگ و پشێویەکا ١٢ ڕۊو بەینو ئیسرائیل و ئێرانیوە باسش جە ڕێککەوتەی ئا دووەلایەنەیە کەرد و واتش: "ئێران دەسش کەرڎەن بە ئایێربەس و جە ماوەو ١٢ سەعاتا ئایندەینە ئیسرائیلیچ ئایێربەس ئەرەیاۋنۆ و جە ٢٤ سەعاتی ئایندەنە، جەنگە ١٢ ڕۆییەکەو بەینو ئیسرائیل-ئێرانی دمایش پنە مۍ”، پی بۆنۆ پیرۆزبایش جە جەهانی کەرد.

ئېشەو دۆناڵد ترەمپ، سەرۆکو ئەمریکا جە پەلیانەو (سۆشیال تروس)ی تایبەت بە ۋێشەنە ئەرەیاۋناش، وەشحاڵەنا ئەرەیاۋنوش کە حیچ ئەمریکیێوە زەرەرش لا نەیاوان جە هرووژمەکەو ئێرانی پەی سەرو قەتەری و زەرەرې ئەوتۆیچش چنە نەکۊتەنۆ، جە گرڎی گرنگتەر، ئانەی جە مەغزشانە بې، گرڎشا هاڵی کەرڎۆ و بە هیواو ئانەی هیچ قینێوەتەرە نەمەنۆ.”

 دۆناڵد ترەمپ سوپاسو ئێرانی مکەرۊ و ماچۆ: "وەڵتەر ئاگاڎارشا کەردەبێناوە، کە بی بە مەڵامەتو ئانەی حیچ کەسۍ گیان جە دەس نەڎۆ و کەسیچ زامڎار نەبۆ، ڕەنگە ئیساتې ئێران بتاوۆ بەرەو ئاشتی و سازان جە ناوچەکەنە هەنگامە بنیۆ و، منیچ بە تاسۆ هانو ئیسرائیلی مڎەو هەمان چێو بکەرۆ."

ترەمپ ئانەیچش وات: "ئێران دەسش کەردەن بە ئایێربەس و جە ماوەو ١٢ سەعاتا ئایندەینە ئیسرائیلیچ ئایێربەس ئەرەیاۋنۆ و جە ٢٤ سەعاتی ئایندەنە، جەنگە ١٢ ڕۆییەکەو بەینو ئیسرائیل-ئێرانی دمایش مې."

جە دمادماینە و جە پۆستێوە جیاوازەنە سەرۆکو ئەمریکای بە پیتې گۆرە نویستەنش، "پیرۆزبایی جە جەهانی مکەرو و ئیساتې کاتو ئاشتییا."