لە کۆجاعەلی تیرۆری پۆلیس:٥ هەدەپەیی دەستگیرکران
لە کۆجاعەلی پۆلیسی تورک هەڵیانکوتایە سەر چەندین ماڵ و ٥ ئەندامی ئەنجومەنی گەنجانی هەدەپەیان دەستگیرکرد.
بەگوێرەی زانیارییەکان لە کۆجاعەلی پۆلیسەکان هەڵیان کوتاوەتە سەر ماڵی هەدەپەییەکان.
لە هەڵکوتانە سەر ماڵاندا ئەندامانی ئەنجومەنی گەنجانی هەدەپە لە کۆجاعەلی ئیبراهیم گولەر، یەکبون شەنگول، زتلان ئاتابای، حوری یڵدزخان و حەسەن عەلی کە پاشناوی نەزانراوە دەستگیرکراون.
پاساوی دەستگیرکردنەکان ئاشکرا نەکراوە. لەبارەی دۆسیەی دەستگیرکراوەکان بڕیاری بە نهێنی هێشتنەوە دراوە و ٢٤ کاتژمێریش قەدەغەی دیداریان لەبارەوە دەرکراوە.
هـ . ب
