لە ئێران بۆ شەرمەزارکردنی سزای سێدارە هەموو سێشەممەیەک مانگرتن لە خواردن ئەنجام دەدرێت.

مانگرتنەکە لە چوارچێوەی کەمپەینی "سێشەممە بێ سێدارە" هەفتانە ئەنجام دەدرێت، ئێستە لە هەفتەی ٣٦ هەمیندایە. ٢٠ زیندانی تر بەشداربوون لە مانگرتنەکە.

دواجار زیندانیانی سیاسی لە زیندانی ئاراک ڕایانگەیاند سێشەممانە مانگرتن لە خواردن ئەنجام دەدەن.

ئەو زیندانیانەی بەشداربوون لە مانگرتن لە خواردن دژی سزای سێدارە، بەم جۆرەن: " زیندانی ئەوین، زیندانی قەزال حەسار، زیندانی ناوەندیی کەرەج، زیندانی گەورەی تاران، زیندانی خورماتوو، زیندانی نیزام لە شیراز، زیندانی ئەسەدئاباد لە ئەسفەهان، زیندانی بامێ، زیندانی مەشهەد، زیندانی لاکان لە ڕەشت، زیندانی قایمشەهر، زیندانی ئەردەبیل، زیندانی تەبرێز، زیندانی ورمێ ، زیندانی سەلماس، زیندانی خۆیی، زیندانی نەغەدە، زیندانی سەقز، زیندانی بانە، زیندانی مەریوان، زیندانی کامیاران و زیندانی ئاراک."