پارێزەرانی فەرمانگەی یاسای سەدە، ڕێزان ساریجا، ڕازییە ئۆزتورک، فایق ئۆزگور ئەرۆڵ و مەزڵوم دینچ، بەمەبەستی بینینی موکیلەکانیان لە ئیمرالی، ڕێبەری گەلی کورد عەبدوڵا ئۆجالان، ئۆمەر خەیری کۆنار، حامیلی یەڵدرم و وەیسی ئاکتاش، داواکارییان پێشکەشی سەرۆکی داواکاری گشتی بورسا و ئیدارەی زیندانی ئیمرالی کرد.

لە ٢٥ی ئازاری ٢٠٢١ەوە  بە هیچ شێوازێک زانیاری لە ڕێبەری گەلی کورد عەبدوڵا ئۆجالان وەرنەگیراوە.

پارێزەران بۆ ئەوەی بتوانن ئۆجالان ببینن هەفتەی دووجار داواکاری پێشکەش دەکەن ، بەڵام وەڵام  وەرناگرنەوە. لە ماوەی ١٢ ساڵدا پارێزەران تەنیا ٥ جار توانیان لەگەڵ ڕێبەری گەلی کورد عەبدوڵا ئۆجالان دیدار ئەنجام بدەن. دوایین دیدار چوار ساڵ پێش لە ٧ی ئابی ٢٠١٩ ئەنجامدراوە.