پارێزەرانی نوسینگەی یاسایی سەدە، بۆ ئەوەی بتوانن چاویان بە موەکیلەکەیان عەبدوڵا ئۆجالان بکەوێت، کە ٣٣ مانگە زانیاری لەبارەیەوە بەردەست نییە، سەردانی داواکاری گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
لە پارێزەرانی نوسینگەی یاسایی سەدە رازیە ئۆزتورک، رەزان ساریجا، فایەق ئۆزگور ئەرۆڵ و مەزڵوم دینچ بۆ ئەوەی بتوانن رێبەری گەلی کورد عەبدوڵا ئۆجالان کە لە زیندانی جۆری ئێف بە ئاسایشی باڵای ئیمراڵی لە گۆشەگیرییەکی دژواردایە، ببینن سەردانی داواکاری کۆماری لە بورسا و بەڕێوەبەرایەتی زیندانی ئیمراڵییان کرد.
پارێزەران بەمەبەستی بینینی عومەر خەیری کۆنار، حامیلی یەڵدرم و وەیسی ئاکتاش کە لە ئیمراڵی زیندانین، بە هەمان داواکارییەوە سەردانی داواکاریی گشتیی کۆماری و بەڕێوەبەرایەتی زیندانیان کرد.
داواکارییەکانی بنەماڵە و پارێزەران بە پاساوی "سزای دیسپلین" رەتدەکرێنەوە و رێگری لە دیدارەکانیان دەکرێت.
لە یەکێک لە دوا سەردانەکانی پارێزەران کە لە ١٠ی تشرینی یەکەم/ ئۆکتۆبەری ٢٠٢٣ ئەنجامدرابوو، دادگا لە وەڵامی داواکاریی پارێزەراندا ئاشکرای کردبوو کە سزای دیسپلین بەسەر عەبدوڵا ئۆجالان و زیندانیانی دیکەدا سەپێندراوەتەوە.
دادوەر ژمارەی دۆسیەی سزا ئاماژەبۆکراوەکە و پەڕاوەکانی بە پاساوی ئەوەی 'لە رگەیاندندا بڵاودەکرێنەوە' نیشان نەدابوو.
هـ . ب
