هێرشە داگیرکارییەکانی دەوڵەتی تورک لە ٢٣ی نیسانی ٢٠٢١ بۆ سەر ناوچەکانی ئاڤاشین، مەتینا و زاپ لە هەرێمی کوردستانی فیدراڵ بەردەوامە.

هاوکات لەگەڵ کاردانەوەکان بەرامبەر هاوکاریکردنی پارتی دیموکراتی کوردستان (پەدەکە) بۆ ئەو داگیرکارییە، ئەمجارە کاردانەوە و ناڕەزایەتی لە دژی هێرشە داگیرکەرییەکان لە پەرلەمانی عێراقەوە هات.

٢٥ پەرلەمانتاری عێراقی داوای دامەزراندنی لیژنەیەک دەکەن بۆ لێکۆڵینەوە لە بوونی هێزەکانی ئەمریکا و دەوڵەتی تورک لە باشووری کوردستان.

٢٥ پەرلەمانتاری عێراقی نوسراوێکی سێ خاڵییان پێشکەشی سەرۆکی پەرلەمانی عێراق کرد بۆ لێکۆڵینەوە لە هێزە بیانییەکان لە خاکی عێراق دا.

داواکارییەکانی ناو نووسراوەکە بریتین لە:

"*لێکۆڵینەوە لە ژمارەی هێزەکانی ئەمەریکا و ڕاوێژکارەکانیان بکرێت.

* لەبارەی بوونی تورکیا لە هەرێم لێکۆڵینەوە بکرێت و دەست بە لێکۆڵینەوە لە سوپای تورکیا بکرێت.

* لێکۆڵینەوە لە بوونی موساد لەبارەی هێرشەکەی ئێران بۆ سەر هەولێر بکرێت.

لە نووسراوەکەدا هاتووە: دەوڵەتی تورک ٥ بارەگا و ٣٨ بنکەی سەربازیی لە باشووری کوردستاندا هەیە.

ژ.ت