کوردستانیانی دانیشتووی فینلاند ٤٤هەمین ساڵیادی دامەزراندنی پارتی کرێکارانی کوردستان –پەکەکەیان بە رێکخستنی ئاهەنگێکی جەماوەری پیرۆزکرد.

مەراسیمەکە لە هۆڵی کرێکاران بە خولەکێک ڕێزگرتن لە یادی شەهیدان دەستیپێکرد. لە دوای خوێندنەوەی وتار و لێدوان و پەیام، فیلمێک لەبارەی مێژووی پەکەکەوە نمایشکرا.

لە چالاکییەکەدا وێنەی ١٧ گەریلای شەهیدی چەکی کیمیایی و ئاڵای پەکەکە بەرزکرابوویەوە.

لە ئاهەنگەکەدا هونەرمەند سەیدا پەرینچەک چووە سەر تەختە و هونەرەکەی خۆی پێشکەش بە ئامادەبوان کرد.

ئاهەنگەکە تا درەنگانی شەو بە مۆسیقا و گۆڤەند و شایی و هەڵپەڕکێ بەردەوام بوو.

ژ.ت