فەرماندەی گشتی هێزەکانی سوریای دیموکراتیک (قەسەدە) مەزڵوم عەبدی لە تۆڕی ئێکس (توویتەری پێشوو) پەیامێکی بڵاوکردەوە. پەیامەکەی مەزڵوم عەبدی بەم جۆرەیە:

"بۆ جەختکردنەوە لە پابەندبوونمان بۆ بەدیهێنانی ئاگربەستی سەرتاسەری لە سوریا، ڕایدەگەیەنین کە ئامادەین بۆ خستنەڕووی پێشنیارێک تایبەت بە درووستکردنی ناوچەیەکی ئارام و داماڵراو لە چەک لە شاری کۆبانێ، لەگەڵ سەرلەنوێ دابەشکردنەوەی هێزە ئەمنییەکان لەژێر سەرپەرشتی و هەبوونی لایەنی ئەمریکییدا.

ئامانج لەم دەسپێشخەرییە ڕەواندنەوەی نیگەرانییە ئەمنییەکانی تورکیا و مسۆگەرکردنی سەقامگیرییە لە هەرێمەکە بەشێوەیەکی هەمیشەیی".