چەتێوە بە نامێ مەلیک عەرەبی کە بەشداری هرووژمە ئەرەگیریەکاش پەی سەرو بەنداو تشرینی کەردەن، شناسنامەو پارێزنای کاتیی وەزارەتو دلێینەو تورکیا وینیان، کە جە پارێزگاو هاتاینە بەرکریان.
دۆڵەتو تورکی ئەرەگیری و گروپە چەتەکا بە نامێ سوپاو نەتەوەیی سوریای (NSA) چن ڕوێن هرووژمێ مکەرا سەرو هەرێمو بەنداو تشرینی. چەتەکێ دۆڵەتو تورکی ئەرەگیری جە زەمینەنە و سوپاو دۆڵەتو تورکیچ بە فڕۆکەی بێفڕۆکەوان جە ئاسمانۆ هرووژمێ ئەرەگیریۍ ئەنجام مڎا. هێزەکاو سوریای دیموکراتیکی (قەسەدە) و یەپەژە بە تنی وەرپەرچو ئا هرووژما مڎاوە. تائیسە دۆڵەتو تورکی ئەرەگیری و چەتەکاش جە مەنتیقەو بەنداوەکەینە نەتاوانشا حیچ وەڵێکۊتەیێشا بۆنە. جە ئەنجامو وەرپەرچدایۆ تنو هێزەکا قەسەدەی و یەپەژەینە زیاتەر جە ١٠٠ چەتێ کوشیێ.
تەرمو چەتێوە کوشیای کەوت دەسو هێزەکا قەسەدەی. شناسنامێوە کە سەرو تەرمەکەیش هۆرگیریاوە جارێوە تەر پەیوەندی دۆڵەتو تورکی و چەتەکاش نیشانەدا.
شناسنامەو پارێزنای کاتی وەزارەتو دلینەی تورکی کە جە پارێزگاو هاتاینە بەرشییەن پا چەتەیە بییەن کە نامێش مەلیک عەرەبییا. چەتەکەو دۆڵەتو تورکی پا شناسنامەیۆ کە کیسەشەنە بییەن بەشداری هرووژمەکا دۆڵەتو تورکی ئەرەگیریش پەی سەرو بەنداو تشرینی کەردەن. چەتەکە جەنگ و هیزی وێرەگاینە کوشیان و تەرمەکەش کەوتەن دەسو هێزەکا قەسەدەی.
جە ڕاو ئا بەڵگەیۆ بەرکەوتەن کە دۆڵەتو تورکی ئەرەگیری بە چ جۆرێ چەتەکاش پارێزنۆ و وەیشا مکەرۆ.
بەڵگەنامەکەو وەزارەتو دلینەی کۆمارو تورکیای کە سەرو ئا چەتەیۆ بیەن بە نامێ مەلیک عەرەبی هۆرگیریابیەنۆ.
