ئەندامی مەجلیسی بەڕێوەبەری کانتۆنی تەبقە کە لە لە ١ی کانوونی یەکەم لە هێرشی چەتەکانی تورکی داگیرکەر لە شاری ئەحداس لە کانتۆنی عەفرین-شەهبا شەهید بوو، ئەمڕۆ بە مەڕاسیمێکی جەماوەری لە گۆڕستانی شەهیدانی تەبقە بە خاک سپێردرا.

لە مەراسیمەکەدا نوێنەرانی ئیدارەی خۆبەڕێوەبەری، پارتی سوریای ئاییندە، بزووتنەوە و ڕێکخراوەکانی ژنان و گەنجان، ئەندامانی ڕێکخراوەکانی کۆمەڵگەی مەدەنی، سەدان کەس بەشدارییان کرد.

لە مەڕاسیمەکەدا هاوسەرۆکی مەجلیسی بەڕێوەبەری کانتۆنی تەبقە ئەحمەد ئەل عومەر وتی: "گەلەکەمان دەتوانێت فیداکاری بکات. هێشتا ئامادەیە کاروانی شەهیدان ببەخشێت بەرامبەر شەڕی دڕندانەی گرووپە بەربەرییەکان و ئەو گرووپە چەتانەی کە هەوڵدەدەن ئیرادە و پڕۆژەی دیموکراتیکمان تێک بشکێنن".

ئەحمەد ئەل عومەر ڕایگەیاند کە ئیدارەی خۆبەڕێوەبەری باکوور و ڕۆژهەڵاتی سوریا چەندین بەیاننامەی چارەسەری پێشکەش کرد بۆ ڕاگرتنی خوێنڕشتن و چارەسەرکردنی ئاڵۆزییەکانی سوریا.

سەرۆکی مەجلیسی ئایینی کانتۆنی تەبقە، عەبدول موتەلیب ئەل بەتران وتی: "شەهیدەکان زیندوون، نامرن، و ڕەنجەکانی ئەوان بۆ وڵات لەبیر ناکەین، تا کۆتایی درێژە پێدەری ڕێگەکەیان دەبین".

لە کۆتاییدا ناسنامەی شەهید خوێندرایەوە و ڕادەستی بنەماڵەکە کرا.

تەرمی شەهیدە بە دروشم لە گۆڕستانی شەهیدانی تەبقە بەخاک سپێردرا.