راگەیەنراوی کەجەکە کە ئاڕاستەی رێکخەری گشتی، ئەندامانی خانەی راپەڕاندن و ئەندامانی جڤاتی نیشتمانی بزووتنەوەی گۆڕان کراوە بەم شێوەیەیە:

" بە بۆنەی ١٣مین ساڵیادی دامەزراندنی بزووتنەوەی گۆڕانەوە، لە سەر ناوی هەموو ئەندامانی بەڕێوەبەرایەتی و کادێرانی کۆما جڤاکێن کوردستان، گەرمترین پیرۆزبایی خۆمان ئاراستەی ئێوەی بەڕێز و هەموو هەڵسوڕاو و لایەنگرانی بزووتنەوەی گۆڕان دەکەین.

بزووتنەوەی گۆڕان وەک هێزێکی سیاسی هەڵقۆڵاوی هەڵوێستی ئازادیخوازی، دادپەروەری و دیموکراسیخوازی گەلی باشوری کوردستان بە پێشەنگایەتی رەوانشاد نەوشیروان مستەفا و هاوڕێیان، مۆرکی خۆی لە گۆڕانکارییە سیاسی و کۆمەڵایەتییەکانی باشوری کوردستان دا و بوو بە جێی هیوا و متمانەی خەڵک بۆ مافپەروەری، ئازادی و یەکسانی.

هیوادارین بە پشتبەستن بە هێز و ئیرادەی گەلەکەمان بتوانن لە چارەسەرکردنی کێشەکان و دەستەبەرکردنی ژیانێکی ئازاد و دیموکراتی رۆڵی پێشەنگایەتی بگێڕن و هەمیشە سەرکەوتوو و سەرفیراز بن."

ف.ق