دایك و باوكی فەرماندەی یەكینەكانی پاراستنی گەل"یەپەگە"، رێناس رۆژ، ئامینە و سەعید بە پەیامێك سوپاسی قەسەدەیان كرد، كە ئەو نۆكەر و خیانەتكارانەی دەستیان لەشەهیدكردنی ڕۆڵەکان و شەڕڤانانی رۆژئاوادا هەیە، دەستگیر كردوە.
دوابەدوای ئەوەی قەسەدە رایگەیاند، ئەو كەس نۆكەر و خیانەتكارانەی دەستیان لە شەهیدكردنی فەرماندەیەكی یەپەگە "رێناس رۆژ" و ژمارەیەك شەڕڤانی تردا بووە و دەستگیركراون؛ دایك و باوكی شەهیدی فەرماندەی یەپەگە، رێناس رۆژ، دایە ئامینە و كاك سەعید پەیامێكی ڤیدیۆییان بۆ رای گشتی بڵاوكردەو.
دایك و باوكی شەهید رێناس سەرەتا سوپاس و پێزانینی خۆیان بۆ هێزەكانی سوریای دیموكراتیك "قەسەدە" و گەلی رۆژئاوای كوردستان دەربڕیووە، كە رێگەیان نەداوە، خوێنی منداڵانیان بەفیڕۆ بچێت و هاوكات پشتیوانی خۆیان بۆ هێزەكانی قەسەدەش دووپات کردەوە.
ژ.ت
