لە شاری وان، بۆ پشتگیری لە مانگرتنی زیندانەکان بۆ هەڵگرتنی گۆشەگیریی سەر ڕێبەری گەلی کورد عەبدوڵا ئۆجالان بە پێشەنگایەتی توهایدەر هەفتەی ڕابردوو ئێشکگریی دادپەروەری دەستپێکرد و بەردەوامە. دایکانی ئاشتی لە هەڵسەنگاندنیان بۆ ئێشکگریی دادپەروەری یەک هەفتەیی قسەیان بۆ ئاژانسی فورات کرد و داوایان لە حکومەت کرد کۆتایی بە گۆشەگیری بهێنێت و داواکارییەکانی زیندانیانی مانگرتن لە خواردن جێبەجێ بکات.

"با هەموو دایکان کۆببینەوە و کۆتایی بە گۆشەگیری بهێنین"

عەینی عەتابای، چالاکوانی ئێشکگریی دادپەروەری دەڵێت:"ئێمە لێرە ئێشکگریی دەکەین، چونکە ڕۆڵەکانمان مانیان لە خواردن گرتووە و گۆشەگیرییەکی توند لەسەر بەڕێز ئۆجالان هەیە، ساڵانێکە بنەماڵەکەی و پارێزەرانی نەیانتوانیوە چاویان پێی بکەوێت گۆشەگیری لەسەر هەموو ڕۆژهەڵاتی ناوەڕاست بەڕێوەدەبرێت، هەر بۆیە دەمانەوێت گۆشەگیری کۆتایی پێبێت و چارەسەرێک بدۆزرێتەوە، لە هەموو مانگرتنێکدا دەیان کەسمان گیان لەدەست دەدەن، با ئەمە ڕوونەدات، ڕۆڵەکانمان مانیان لە خواردن گرتووە و ئێمە کۆبووینەتەوە بۆ پشتیوانیان دەکەین، با چارەسەری دەست پێبکات، گۆشەگیری لاببرێت، با کەس نەمرێ، بانگەوازی لە هەموو دایکان دەکەین؛ دەبێت دایکانی کورد و تورک بۆ ئاشتی کۆببنەوە، ئەم شەڕە زیان و ئازاری بە هەمووانی داوە، با چیتر ڕۆڵەی دایکان نەمرێت، با هیچ دایکێک نەگری، لەم ٤٠ ساڵەدا شتی زۆرخراپ ڕوویداوە، منداڵ، گەنج مردن، ئێمە دەڵێین: "ئیتر بەسە، ئارامیی و دادپەروەریمان دەوێت، ئێمە لەم خاکەدا لەدایک بووین، و لەم خاکەدا ژیاوین، بێگانە نین، ئێمە خاوەنی ڕاستەقینەی ئەم خاکەین."

'با گەلەکەمان خاوەنداری لە زیندانییەکان بکات

یەڵدز تونجەر، دایکی ئاشتی لە چالاکوانانی ئێشکگریی دادپەروەری، وتی:" سڵاو لە بەرخۆدانی زیندانەکان دەکەین. وەک دایک دەڵێین با کۆتایی بە گۆشەگیری بهێنرێت، گەلی کورد هەموو ئەم داواکارییەی دەوێت و ئێمە لێرە دەنگی ئەوانین، دایکان بۆ ئاشتی و دادپەروەری لێرەن، گەلی کورد نابێت بێدەنگ بێت وەک دایک دەمانەوێت دەوێت گەلەکەمان خاوەنداری لە زیندانییەکان بکەن."