بە گوێرەی زانیارییەکان شەوی هەینی لە سەر شەممە هێزەکانی پاسەوانی سنووری دەوڵەتی ئێران لە سنووری حاجی ئۆمەران تەقەیان لە ژمارەیەک کۆڵبەر کردووە و بە هۆیەوە دوو کۆڵبەر برینداربوون.

ئەو کۆڵبەرانە سەعدی مەحمودی خەڵکی گوندی هەنگاوا و ئومید ئازەری خەڵکی گوندی گردباسکی پیرانشارن.

ماوەی چەند مانگە کردنەئامانجی کۆڵبەران بە شێوەیەکی بەرچاو هەڵکشاوە و تەنیا لە مانگی بەفرانباردا چوار کۆڵبەر گیانیان لەدەستداوە و ٤١ کۆڵبەریش کوژراون.

بەگوێرەی ئاماری رێکخراوەکانی مافی مرۆڤ لە رۆژهەڵاتی کوردستان ساڵی رابردوو زیاتر لە ٣٠ کۆڵبەر کوژرابوون و نزیکەی ٢٧٠ کۆڵبەریش برینداربوون، ئەمەش بەرزترین ژمارەی قوربانیبوونی کۆڵبەرانە لە ١٠ ساڵی رابردوودا.

هـ. ب