گەریلاکان رایانگەیاند، کە پێچەوانەی ئامانجەکانی پیلانگێڕان، پاڕادیگمای رێبەری گەلی کورد، عەبدوڵا ئۆجالان بە تەواوی جیهاندا بڵاوبووەتەوە و وتیان، "رێبەرایەتی بە رۆح، ئەندێشە و ئایدۆلۆژیای خۆی بەرردەوام لەگەڵماندایە".
گەریلای یەژاستار بەرفین کۆبانێ رایگەیاند، کە وەک ژنە گەریلاکان ئەوان بە ئەندێشە، فەلسەفە و ئایدۆلۆژیای رێبەرایەتیەوە دەژین، پیلانگێڕی بە تەواوەتی پوچەڵ دەکەنەوە و گۆشەگیری تێکدەشکێنن.
گەریلاکان سەبارەت بە پیلانگێڕیی نێونەتەوەیی و گۆشەگیری سەر رێبەری گەلی کورد عەبدوڵا ئۆجالان قسەیان بۆ ئاژانسی هەواڵی فورات (ANF) کرد.
گەریلای هەپەگە دژوار جزیر رایگەیاند، کە ١٥ی شوبات بۆ گەلی کوردستان رۆژێکی رەش و لە دژی ئەوە تێدەکۆشن. دژوار جزیر ئەوەی خستەڕوو، کە هێزە سەردەستەکان لە رێگەی راگرتنی رێبەری گەلی کورد لە ناو چوار دیواردا دەیانەوێت بەر بە بڵاوبوونەوەی ئەندێشەکانی بگرن و وتی، "وەک گەریلاکانی ئازادیی کوردستان، هەرچەندە رێبەر ئاپۆ لە رووی جەستەیەوە لەگەڵماندا نییە، بەڵام لە رووی رۆح، ئەندێشە و ئایدۆلۆژیاوە بەردەوام لەگەڵماندایە. ئێمە بە گیان و رۆحی ئاپۆیی لە مەتینا، ئاڤاشین، زاپ، هەفتانین و خواکورک شەڕ دەکەین. ئازادی جەستەیی رێبەر ئاپۆ مسۆگەر دەکەین".
ئەندێشەکانی ئەو بە جیهاندا بڵاوبوونەوە
گەریلا سەردەم ئامانۆسیش باسی لەوەکرد، کە پاڕادایمی رێبەری گەلی کورد عەبدوڵا ئۆجالان بۆ گەلان و مرۆڤایەتییە و وتی، "هەرچەندە رێبەرایەتی لە رووی لە جەستەییەوە بە دیلگیرابێت، بەڵام ئەندێشەکانی لەمڕۆدا لە سەرتاسەری جیهان بڵاوبوونەوە. رێبەر ئاپۆ رێبەری سەرجەم چەوساوە و بندەستانە. هەر لەخۆیدا بەهۆی ئەو هەڵوێستەشیەوە لەلایەن هێزە نێونەتەوەییەکانەوە کرایە ئامانج. هەوڵەکانمان بۆ ئەوەیە، کە ئەو پیلانگێڕییە لەناوببەین کە پێدەنێتە ساڵی ٢٥ەمینەوە. ئەوەش لە رێگەی کۆتاییهێنان بە بەدیلگیرانی رێبەرایەتیەوە دەبێت. تێکۆشانی گەریلا دەریدەخات کە ئەوە دوور نییە".
پەرە بە تێکۆشان دەدەین و گۆشەگیری تێکدەشکێنین
گەریلای یەژاستار بەرفین کۆبانێش وتی، "وەک گەریلایەکی یەژاستار دەڵێم؛ تا ئەو کاتەی تەنیا یەک گەریلای ژن بمێنێت، تا گەلی کورد بمێنێت ئەندێشە و فەلسەفەی رێبەر ئاپۆ دەمێنێت. سێ ساڵە بە هیچ جۆرێک هەواڵمان لە رێبەر ئاپۆ نییە. دەیانەوێت کە نەهێڵن دەنگی رێبەرایەتی بگاتە ئێمە. دەوڵەتانی سەردەست و هەژمونگەرا هێشتا لەو راستیە تێنەگەیشتوون؛ ئێمە وەک هێزەکانی گەریلا و ژنە گەریلاکان بە فەلسەفە و ئایدۆلۆژیای رێبەرایەتیەوە دەژین. ئێمە خواستمان هەیە و پێداگرین؛ بە تێکۆشان و هەوڵەکانمان ئەو پیلانگێڕییە هەڵدەوەشێنینەوە. پەرە بە تێکۆشانمان دەدەین و ئەو گۆشەگیرییە تێکدەشکێنین".
هـ . ب
