گەریلاکانی ئازادی کوردستان لە زاپ "ئۆپەراسیۆنی شۆڕشگێڕیی شەهید دۆغا ڤیان"یان ئەنجامدا. لە ئۆپەراسیۆنەکەدا، ٣٧ داگیرکەر سزادران و یەکێکیان سەرپەل بوو. گەریلا تیڤی دیمەنی ئۆپەراسیۆنی شۆڕشگێڕی شەهید دۆغا ڤیانی بڵاوکردەوە.

لە دیمەنەکاندا دەردەکەوێت گەریلاکان دەستوبردانە هەڵدەکوتنە سەر سەنگەر و کۆنتێنەرەکان و ئاگریان تێ بەردەدەن، دەستدەگرن بەسەر چەکێکی (A4)ـی سوپای تورک و بەکاری دەهێنن، هەروەها بانگی "تەسلیم بن" لە سەربازەکان دەکەن.

گەریلاکانی ئازادی کوردستان هەموو بنکەکانی سوپای تورک دەگرن و دەڵێن "ڕۆم سوتا"، "ئاگر کەوتە دڵی ئەنقەرە"، "ئێرە چیای جودیە"، "هاتن هەیە، دەرچوون نییە"، "فەرمانی موراد قەرەیلانە: دەمرن سەربازەکان!".

دیمەنەکە بە گوتنی "فیلمەکە هێشتا تەواو نەبووە" کۆتایی هات.

ڕاگەیاندراوە، گەریلا تیڤی بەم نزیکانە دیمەنی زیاتر بڵاودەکاتەوە.