هەپەگە: هەڵوێستی جەنگاوەریی ئاپۆیی هاوڕێکانمان هەرگیز لەیاد ناکرێت
هەپەگە ڕایگەیاند، ٢٩ ی ئەیلول لە زاپ، ٣ گەریلا شەهیدبوون و دەڵێت: "هەڵوێستی جەنگاوەریی ئاپۆیی ئەوان، فیداکاریی مەزنی ئەوان، ئازایەتی و هەوڵی ئەوان، هەرگیز لەیاد ناکرێت".
ناوەندی ڕاگەیاندن و چاپەمەنی هەپەگە، دەربارەی سێ گەریلای شەهید، ئەم شتانەی بڵاوکردەوە:
"٢٩ ی ئەیلول لە هێرشی دوژمن بۆ سەر هەرێمی شەهید دەلیلی ڕۆژئاوای زاپ، هاوڕێیانمان ماهیر عەلی شێر و ئەدیسا و مەزڵوم شەهید بوون.
دوژمن لە زاپ لەڕووی تاکتیکییەوە گیری خواردووە. هاوڕێیانمان هاوڕێیانمان ماهیر عەلی شێر و ئەدیسا و مەزڵوم بە تەرزی شەڕی تیمی پسپۆڕانە لەسەر زەوی و نێو تونێلەکان، چەندین تاکتیکیان بە سەرکەوتوویی ئەنجامدا و گورزی گەورەیان دا لە دوژمن، هاوڕێکانمان بەو شەڕەی لەسەر هێڵی فیداکاری ئەنجامیاندا، بوونە نموونەی جەنگاوەری ئاپۆیی. هاوڕێیانمان ماهیر عەلی شێر و ئەدیسا و مەزڵوم هەموو ساتێکی ژیانیان بە خاوەندارێتیکردن لە یادی هاوڕێ شەهیدەکانیان و گەشکردنی تێکۆشان بەسەر برد. لە کەسێتی خۆیاندا، نوێنەرایەتی جەنگاوەریی شۆڕشگێڕیی هاوچەرخیان کرد. بوونە ئەو قارەمانی نەبەزیو لەبەرامبەر دوژمندا، گورز لەسەر گورزیان لە دوژمن دەوەشاند و پلانی داگیرکاری دوژمنیان پووچەڵ کردەوە. هەڵوێستی جەنگاوەریی ئاپۆیی ئەم هاوڕێ قارەمانانە، فیداکاریی مەزنی ئەوان لە سەنگەردا، ئازایەتی مەزن و هەوڵی ئەوان، هەرگیز لەیاد ناکرێت، بەڵکو دەبێتە هۆی تێکۆشانێکی مەزنتر.
بەم هەستوسۆزانەوە، سەرەخۆشی لە بنەماڵەی هاوڕێ شەهیدەکانمان ماهیر عەلی شێر و ئەدیسا و مەزڵوم و تەواوی گەلی وڵاتپارێزی کوردستان دەکەین.
زانیارییەکان دەربارەی ناسنامەی هاوڕێ شەهیدەکانمان بەم جۆرەیە:
ناسناو: ماهیر عەلی شێر کۆچگەری
ناو و پاشناو: ئۆنور کاپار
شوێنی لەدایکبوون: ئیستەنبوڵ
ناوی دایک- باوک: سەنەم - مەتین
شوێن و کاتی شەهیدبوون: ٢٩ ی ئەیلولی ٢٠٢٣/زاپ
ناسناو: ئەدیسا مونزور
ناو و پاشناو: جاندا شێخموس
شوێنی لەدایکبوون: عامودا
ناوی دایک- باوک: عەدلە - عەبدولقادر
شوێن و کاتی شەهیدبوون: ٢٩ ی ئەیلولی ٢٠٢٣/زاپ
ناسناو: مەزڵوم دژوار
ناو و پاشناو: بەکر مەحمود حەسەن
شوێنی لەدایکبوون: عەفرین
ناوی دایک- باوک: مونا - محەمەد
شوێن و کاتی شەهیدبوون: ٢٩ ی ئەیلولی ٢٠٢٣/زاپ
