هەپەگە ناسنامەی ٢ گەریلای شەهیدی ئاشکرا کرد
هەپەگە ناسنامەی ٢ شەهیدی ئاشکرا کرد و وتی، " بەڵێنەکەمان دووبارە دەکەینەوە کە میراسی تێکۆشانی هاوڕێکانمان کە رادەستی ئێمەیان کردووە، بە سەرکەوتوویی بپارێزین."
ناوەندی راگەیاندن و چاپەمەنی هەپەگە لەم بارەیەوە ڕاگەیەنراوێکی بڵاوکردەوە کە بەشێکی بەم شێوەیەیە:
"٣٠ی تەمموز ٢٠٢١ لە بۆردومانی سوپای داگیرکەری تورکدا لە هەرێمی قەندیل، هاوڕێکانمان ئارگەش و جیگەر شەهید بوون کە هەریەکەیان لە دەڤەرێکی کوردستان لەدایک بوون و بە شکۆداریەوە بۆ ئازادی گەلەکەمان بەشداریان لە ریزەکانی تێکۆشانی ئازادی کوردستاندا کرد.
ناسنامەی هاوڕێ شەهیدەکانمان بەم شێوەیەیە:
ناسناو: ئارگەش زاگرۆس
ناو و پاشناو: پەیمان شەمشیری
شوێنی لەدایکبوون: کرمانشان
ناوی دایک و باوک: بەتول و فەرهاد
کات و شوێنی شەهیدبوون: ٣٠ی تەمموزی ٢٠٢١ / قەندیل
*
ناسناو: جیگەر عەفرین
ناو و پاشناو: مستەفا بەکری
شوێنی لەدایکبوون: عەفرین
ناوی دایک و باوک: حەلیمە و عەبدۆ
کات و شوێنی شەهیدبوون: ٣٠ی تەمموزی ٢٠٢١ / قەندیل
***
ئارگەش زاگرۆس
***
جیگەر عەفرین
هەپەگە وێڕای ئەوەی کە باسی تێکۆشان و خەباتی شەهیدانی لە ریزەکانی تەڤگەری ئازادی کوردستاندا کردووە هەروەها وتی، " هاوڕێکانمان جیگەر و ئارگەش بە بڕوای ئازادی بەشداریان لە ریزەکانی تێکۆشاندا کرد و هەموو کاتێکی ژیانیان بە تێکۆشان تێپەڕاند. سەرەتا سەرەخۆشی خۆمان ئاڕاستەی خانەوادەی هێژای هاوڕێکانمان و هەموو گەلی وڵاتپارێزی کوردستان دەکەین و بەڵێن دووبارە دەکەینەوە کە میراسی تێکۆشانی هاوڕێکانمان کە ڕادەستی ئێمەیان کردووە، بە سەرکەوتوویی بپارێزین."
ف.ق
