هەپەگە ناسنامەی دوو شەهیدی ئاشکرا کرد
هەپەگە ئاشکرای کرد کە دوو گەریلا لە مەتینا شەهیدبوون و لەوبارەوە رایگەیاند، "هەرچەندە کە شەهیدبوونیان کۆستێکی گەورەش بێت، بەڵام دەبێتە پاڵنەری ئەوەی تێکۆشان بە گوڕتر بکەین".
ناوەندی راگەیاندن و چاپەمەنی هەپەگە لەبارەی ئەو گەریلایانەی لە مەتینا شەهیدبوون، ئەم زانیارییەی راگەیاند، " هاوڕێیانمان حشێن پیرانی قارەمانی ئامەد و شەڕڤانی یەژاستار روکەن زیلان لە هێرشەکەی دوژمن لە ١٤ی تشرینی یەکەمی ٢٠٢٣دا لە هەرێم مەتینا شەهیدبوون.
هاوڕێیانمان حسێن و روکەن بە ژیان، بەشداربوونی تێکۆشان، هەڵوێست و ئایدۆلۆژیای ئاپۆیی پتەو لە هەموو گۆڕەپان و کاتێکدا بوونە جەنگاوەری پێشەنگ. شەهیدبوونی هاوڕێیانمان چەندەش بۆ ئێمە دژواربێت، دەبێتە مایە و پاڵنەری بەرفراوانکردنی تێکۆشان. هاوڕێ حسێن کە بە پراتیک، تێکۆشان و هەڵوێستی خۆی لە ژیاندا، پێویستی دڵسۆزی و وەفاداری بە شەهیدانی بە بێ وچان جێبەجێکرد. جەنگاوەری پێشەنگی پاژک روکەن لە تێکۆشانی ئازادیماندا بەردەوام بەهای ئافراند و بووە نمونە بۆ هاورێکانی.
ئێمە وەک رێبواران و شوێنکەوتووانی هاوڕێ شەهیدەکانمان سەرەخۆشی لە بنەماڵەی وڵاتپارێزی هاوڕێیانمان و سەرجەم گەلی کوردستان دەکەین و بەڵێنی خاوەنداری لە یادی ئەو شەهیدانە دووپاتدەکەینەوە.
زانیاری لە بارەی هاوڕێ شەهیدەکانمان بەم جۆرەیە:
ناسناو: حسێن پیران
ناو و پاشناو: جیهاد ئاکتای
شوێنی لەدایکبوون: ئامەد
ناوی دایک- باوک: ساڵیحە- محەمەد
کات و شوێنی شەهیدبوون: ١٤ی تشرینی یەکەمی ٢٠٢٣/ مەتینا
ناسناو: روکەن زیلان
ناو و پاشناو: زەینەب سەڤیم
شوێنی لەدایکبوون: سێرت
ناوی دایک- باوک: خاتون- حاجی
کات و شوێنی شەهیدبوون: ١٤ی تشرینی یەکەمی ٢٠٢٣/ مەتینا
