لە ناحیەی نسێبینی سەر بە مێردین، لەوەڕگە کوێستانییەکانی ٩ گوندی چیای باگۆک، ​بۆ ماوەی ١٥ ڕۆژ ​وەک "ناوچەی ئەمنیی تایبەت" ڕاگەیەندران.

پارێزگای مێردین ڕایگەیاند، لە نێوان ٤ بۆ ١٨ی ئاب، هاتووچۆ لە گوندەکانی خەرابعەلی، حباب، بادیبە، ئەوشی، ئەلین، ئاربۆی، یۆل، شەکرن و دەرکێ قەدەغە کراوە.

لە لایەکی دیکەوە باس لەوە دەکرێت، هەلیکۆپتەرە سەربازییەکان لە بنکەی سەربازی جەوادپاشا لە ناوچەی میدیادەوە بەرەو ناوچەی باگۆک فڕیون. ئەوەش زانراوە، لەو ناوچەیە هێرشی سەربازی دەستیپێکردووە.

ژ.ن