هەوڵدان بۆ هاوپەیمانی کوردستانە کە لە کۆنگرەی کۆمەڵگای دیموکراتیک (کەجەدە)، پارتی دیموکراتی هەرێمەکان (دەبەپە)، پارتی دیموکراتی گەلان (هەدەپە)، پارتی ئازادی، کۆمەڵەی کوردی دیموکراتی شۆڕشگێر (دەدەکادە)، پارتی مرۆڤ و ئازادی (پیئا)، پارتی کۆمۆنیستی کوردستان (کەکەپە)، پلاتفۆرمی دیموکراتی کوردستان (پەدەکە) و پارتی دیموکراتی کوردستان – تورکیا پێکدێت، لە کۆبونەوەی ١٢ی ئازاردا بریارێکی نوێیاندا.

سینان چیفتیورەک سەرۆکی گشتی کەکەپە، ئایەتولا ئاشتی وتەبێکی پارتی ئازادی، محەمەد کاماچ سەرۆکی گشتی پیئا و ئیمام تاشچیئەر پەرلەمانتاری هەدەپەی ئامەد بۆ ئاژانسی میزۆپۆتامیا قسەیان کرد و بۆ کاری هاوبەش بریاریاندا لەژێر چەتری کۆمسیۆنێک کار بکەن.

'سەرەتای قۆناغێکی نوێ'

چیفتیورەک لە کۆبونەوەکەدا بەرنامەی نەورۆز و کاروباری زمانی دایک و یەکێتی نەتەوەیی شیکردنەوە و رایگەیاند، لە ماوەیەکی نزیکدا بۆ رێککەوتنێکی کوردستانی کۆماسیۆنێک پێکدەهێنرێت و وتی، "٢١ی ئازار کۆدەبینەوە."

ئایەتولا ئاشتی وتەبێکی پارتی ئازادی رایگەیاند کە لە ئەنجامی ٢ ساڵ کارکردندا بۆ جاری یەمە بریارێکی باش دراوە. ئاشتی ئاماژەی بە گرنگی کۆمسیۆنەکە کرد و رایگەیاند کە یەکێتی نێوان هێزەکان بۆ گەلی کورد دەبێتە سەرەتای قۆناغێکی نوێ.

'هاوپەیمانی لەگەڵ گەل دەبێت'

محەمەد کاماچ سەرۆکی گشتی پیئا ئاماژەی بەوەکرد، کۆبونەوەکە لە رووی بناغە و بەڕێوەچوونەوە گرنگە و وتی، " لە داهاتوودا یەکێتی نەتەوەیی دەبێتە هۆی هاویشتنی هەنگاوێکی گرنگ. هاوپەیمانیەکە بە تیئۆری لە دەوری مێز نابێت، لە دەرەوە و بە پراکتیکی دەبێت."

ئیمام تاشچیئەر پەرلەمانتاری هەدەپەی ئامەد وتی، " تا یەکێتی نەتەوەیی دروست نەبێت، کەس ناتوانێت باسی ئازادی بکات."

ف.ق