فشارەکانی پەدەکە بۆ سەر رۆژنامەنووسان و چالاکوانان بەردەوامە و لەو چوارچێوەدا ئەمڕۆ، جارێكی دیکە، هێزە ئەمنییەکانی پەدەکە لە دهۆک هەڵیانکوتایە سەر ماڵی ڕۆژنامەنووس و چالاکوان ئومێد بەرۆشکی.

بە پێی زانیارییەکان، هێزە ئەمنییەکانی دهۆک بە سکاڵایەکی زیندانی چاکسازی زرکا، کاتژمێر ١٠:٣٠ ئەم بەیانییە، هەڵیانکوتاوەتە سەر ماڵی ئومێد بەرۆشکی و دەستگیریان کردووە.

پاش هەڵکوتانەکە، ڕاستەوخۆ ئومێد بەرۆشکی گواستراوەتەوە بۆ زیندانی چاکسازیی زڕکا لە دهۆک.

ئەمە لە کاتێکدایە، ئومێد بەرۆشكی لە ساڵی ٢٠٢١ لەگەڵ زیاتر لە ٩٠ چالاکوان و ڕۆژنامەنووسی دیکەی بادیناندا لەلایەن هێزەکانی پەدەکەوە ڕەشبگیرییان بەرامبەر ئەنجامدرا و لە ٢٢ـی شوباتی ساڵی ٢٠٢٢ ئازادکرا، جارێكی دیکەش لە ٢٠ـی تەمووزی ساڵی ڕابردوو بۆ ماوەیەکی کورت دەستگیرکرایەوە.

هـ . ب