هێزەکانی ئێران کۆڵبەرێکیان کوشت
هێزەکانی ئێران ئەم بەیانییە لە هەنگەژاڵی سەر بە شاری بانە ڕۆژهەڵاتی کوردستان کۆڵبەرێکیان کوشت.
میدیاکانی ڕۆژهەڵاتی کوردستان ڕایانگەیاند، سەعات ٢ لە هەنگەژاڵی سنووری شاری بانەی ڕۆژهەڵاتی کوردستان هێزەکانی ئێران هێرشیان کردە سەر ژمارەیەک کۆڵبەر و دەستڕێژی ڕاستەوخۆیان لێ کردن.
ئەوە دیاریکرا، لە ئەنجامی هێرشی هێزەکانی ئێراندا، کۆڵبەرێک بە ناوی عەلی زەرغامی خەڵکی گوندی ساریباخی سەر بە شاری سەقز کە باوکی سێ مناڵە، گیانی لەدەستداوە.
