بە بۆنەی کۆچی دوایی حاجی مەحمود رەبانی باوکی شەهید رێزان جاوید (یوسف رەبانی) یەک لە پێشەنگانی بزوتنەوەی ئازادی کوردستان لە پەیامێکی هاوبەشدا کۆدار و پەژاک پەیامێکی سەرەخۆشیان ئاراستەی بنەماڵەکەی و خەڵکی مەهاباد کرد.

کۆدار و پەژاک لەپەیامە هاوبەشەکەیاندا سەرەخۆشیان لە بنەماڵەی شەهید رێزان جاوید کردووە و رایانگەیاندووە، کە بنەماڵەی رەبانی بۆ ئازادی گەلەکەمان ئاواتی پاک و بێگەردیان هەبووە و لە سەر هێڵی وڵاتپارێزی، رێگەی تێکۆشان لە پێناو ئازادیان بە رۆڵە ئازا و پێشەنگەکەیان نیشانداوە.

لە بەشێکی دیکەی پەیامەکەدا هاتووە: لە سایەی رەنجی بنەماڵەی وەک رەبانی کە بەردەوام ئاواتی ئازادی و رزگاری لە ستەم لە دڵیاندایە، پێشەنگانێکی راستگۆ و دڵسۆزی وەک شەهید رێزان ریزەکانی تێکۆشان هەمیشەیی و پتەو دەکەن.

ئەوەش هاتووە، "بێ گومان پێکهاتە و دامەزراوەی بنەماڵە لە کوردستان بە چوونی بۆ سەر رێبازی تێکۆشانی وڵاتپارێزی و ئازادیخوازی دەتوانێت وەک بنەماڵەی شەهید رێزان جاوید و لە سایەی رەنجی بێ وچانی باوکانێکی وەک بەڕێز مەحمود رەبانی رێگە بۆ وڵاتپارێزی و تێکۆشانی رۆڵەکانیان خۆش بکەن".

هـ . ب