داواکاری کۆماری دیلۆک لە ١٤ی تەموزی ٢٠٢٠ دەستی بە لێپرسینەوەیەک کردبوو. لە چوارچێوەی لێپرسینەوەکەدا، سکاڵا لەسەر ٩١ کەس تۆمارکرابوون کە بەشێکی زۆریان ئەنجامی دەستپێشخەری دایکانی ئاشتی، بەڕێوەبەر و ئەندامی هەدەپە و دەبەپە و پارتی سەرلەنوێ بنیاتنانی سۆسیالیستی بوون. ٢مین دادگای سزا قورسەکانی دیلۆک بە تۆمەتی 'ئەندامێتی ڕێکخستن' و 'بانگەشە بۆ ڕێکخستن' تۆمەتبارانی دادگایی کردبوو. ٢٧ کەس کە دەستگیرکرابوون ئازاد کرابوون.

 ١٥مین دانیشتینی دۆسیەکە لە ١٢ی تشرینی دووەمی ٢٠٢١ بەڕێوەچووبوو . دادوەر بە تۆمەتی جیاواز داوای زیاتر لە هەزار ساڵ زیندانی بۆ ٩٠ کەس کردبوو. کەسێکیشی ئازاد کردبوو.

دوێنێ ١٦مین دانیشتنی دۆسیەکە بەڕێوەچوو. دانیشتنەکە تاوەکو درەنگانی شەو بەردەوام بوو و دادگا بریارەکەی ئاشکرا کرد. دادگا سزای ٣٣٩ ساڵ و ٧ مانگی زیندانی بەسەر ٦٢ کەسدا سەپاند.

ف.ق