لە کامپی پەنابەرانی شەهید ڕۆستەم جودی (مەخموور) دوو گەریلای یەژا ستار ئامارا ڕوبار (ئایشە کابار) کە لە ٢٠ی کانوونی یەکەمی ٢٠٢٢ و ڕوکەن ئامارا (گولەر گونگەن) کە ١٧ی کانوونی یەکەم لە جودی شەهید بوون، لە لایان ڕێکخراوی بنەماڵەی شەهیدانی مەخمور بەبیر هێنرانەوە.

مەراسیمەکە بە خولەکێک ڕێزگرتن بۆ شەهیدان دەستپێکرد و پاشان لە سەر ناوی هەردوو بنەماڵەی شەهیدان قسەکرا. لە سەرەتادا باوکی شەهید ئامارا، ئەحمەد کاپار سەرنجی خستە سەر تێکۆشان بۆ وڵات و ئازادی و وتی:"هەتا بمێنین لەسەر ڕێگەی ڕۆڵە شەهیدەکانمان دەبین و تێدەکۆشین. چونکوو بۆ وڵات و ئازادی سەرۆک ئاپۆ تێکۆشانیان کرد و شەهیدبوون، ئێمەش بە هەر نرخ و شێوەیک بێت ئامادەی تێکۆشانین".

کاپار باسی ئەوەیکرد دەبێت گەلی کورد بەر لە هەمووشتێک بەرخۆدان بۆ وڵات و ئازادی سەرۆکایەتی  بکات و وتی:"وڵات و ناسنامە پێش هەموو شتێکە. لەبەر ئەوە دەبێت بۆ ئازادی وڵات و ناسنامەمان شەڕبکەین".

دواتر بەناوی بنەماڵەی شەهید ڕوکەن گابار، زلێخا گونگەن قسەیکرد و ئاماژەی بەوەدا کە شەهید تەنها شەهیدی ئێمە نیە و شەهیدی گەلی کوردە و لەسەر ڕێگەی شەهیدان هەتا کۆتای بەردەوام دەبن.

بەناوی ڕێکخراوی بنەماڵەی شەهیدان، سدیق هەشتانی سەرەخۆشی لە بنەماڵەی شەهیدکرد و دەستیشانیکرد کە بەردەوامی بە تێکۆشانی شەهیدان دەدن.

دواتر بەڵگە فیلمێک لەسەر تێکۆشان و کەسایەتی شەهید ئامارا، ڕوکەن و هەڤاڵانی کە پێکەوە شەهید بوون پیشاندرا.

مەراسیمەکە بە دروشمی "شەهید نامرێ"، "بژی سەرۆک ئاپۆ" کۆتایهات.