لە ڕووداوێکی هاتوچۆ لە دهۆک ٨ کەسی یەک خێزان گیانیان لەدەستدا
بەهۆی ڕووداوێکی هاتوچۆ لەدهۆک ٨ کەس گیانیان لەدەستداوە، کە قوربانییەکان هەموویان لە یەک خێزانن.
شەوی ڕابردوو لەسەر ڕێگای ئەلقوش - شێخان لە پارێزگای دهۆک لە باشووری کوردستان ڕووداوێکی هاتووچۆ ڕوویدا.
لە ئەنجامی ڕووداوەکەدا ٨ کەس لە یەک خێزان گیانیان لەدەستدا. دەوترێت ئەوانەی گیانیان لەدەستداوە خەڵکی گوندی سێجێن-ی سەر بە دهۆکن.
بەپێی زانیارییەکان، ئەو خێزانە لە پێکهاتەی مەسیحی بوون و چەند کەسێکیش لەو ڕووداوەدا برینداربوون.
بریندارەکان گواستراونەتەو بۆ نەخۆشخانە.
ژ.ت
