هاوشارەوانی شەمزینانی دەم پارتی نازدار ئۆپەنگین، کە لە خولی یەکەمی هەڵبژاردنی بەربژێرەکاندا هەڵبژێراوە وتی: "لە هەڵبژاردنە خۆجییەکانی ٣١ی ئازاردا گەورەترین پرۆژەمان ئەوەیە، دەستکەوتەکانی گەل دوبارە پێشکەشی گەل بکەینەوە".

لەگەڵ گەلدا دەگەین بە ئامانج

ئۆپەنگین باسی لەوەکرد لە دژی سیاسەتی دەست بەسەرداگرتنی ئیرادە و قەیومەکان، ئیرادەی گەل جارێکی تر خۆی پیشان دەداتەوە و وتی: "دوای هەڵبژاردنەکان، پرۆژەی ژنانمان دەبێت. ژنانی کورد گەورەترین هێزی تێکۆشانی نەتەوەییە. لە سایەیی ئەم هاوپشتیەوە، لە هەڵبژاردنەکانی ٣١ی ئازاردا پێکەوە لە دژی ئەو عەقڵێتە دژە ژنانە، تێدەکۆشین و دەستکەوتەکانی گەل دەگەڕێنیەوە بۆ گەل".

ئاکەپە کۆتایی دێت

لە بەردەوامی قسەکانیدا ئۆپەنگین باسی لەوەکرد بە هەموو هێزیانەوە کاردەکەن و وتی: "گەل پێشگیرییەکی زۆریان پێشکەشکردین، بەربژێرەکانی دەم پارتی لە هەموو شوێنێک پێشوازییەکی ناوازەیان لێ دەکرێت. بۆیە بەم جۆش و خرۆشەی گەلەوە کۆتایی بە ئاکەپە دەهێنین".