بە گوێرەی زانیارییەکان هێزەکانی دەوڵەتی تورک سەرلەبەیانی ئەمڕۆ هەڵیانکوتاوەتەسەر گوندی قەسرا دەڤەلێی ناوچەی هەزەخ.

لەو گوندە کە ژمارەی دانیشتوانەکەی ٣ هەزار کەسە، لە هەڵبژاردنی ١٤ی ئایردا لەسەدا ٨٠ دەنگیان بە پارتی چەپی سەوزدابوو. هێزەکانی دەوڵەت دەیانەوێت کارەبای ئەو گوندە بپچڕێنن.

لە هەڵکوتانە سەر گوندەکە ئۆتۆمبێلی ئاگرکوژێنەوە و گازی فرمێسکڕێژ لە دژی گوندنشینان بەکارهێنرا. گوندنشینان دەڵێن لەبر پشتیوانیان بۆ پارتی چەپی سەوز دەیانەوێت بە شێوەی بەکۆمەڵ سزایان بدەن. گوندنشینان لە بەرامبەر تیرۆر و تۆقاندنی سەربازان و پۆلیس خۆڕاگری دەکەن.

هـ . ب