قۆڵی قەرسی "ڕێپێوانی مەزنی ئازادی" بۆ ئازادی جەستەیی ڕێبەری گەلی کورد عەبدوڵا ئۆجالان و چارەسەری سیاسی پرسی کورد، سەردانی بنەماڵەی ئەڤریم دەمیر (١٨ ساڵ)یان کرد کە لە ساڵیادی ڕۆژووی مردنی مەزنی ١٤ ی تەمموز، لە ١٧ ی تەمموزی ٢٠١١ لە باخچەی ماڵەکەیان لە ناوچەی کۆپێ خۆی سوتاند.

پەرلەمانتارانی پارتی یەکسانی و دیموکراسیی گەلان (دەم پارتی) شەرناخ، نەورۆز ئویساڵ گوتی: "ئەڤریم دەمیر لە ساڵیادی ڕۆژووی مردنی مەزنی ١٤ ی تەمموز خۆی سوتاند. سەری ڕێز بۆ یادی وی دادەنەوێنم. ئەمڕۆ بۆ گەلێکی کوردی ئازاد و ڕێبەرێکی ئازاد ڕێپێوان دەکەین. بەم باوەڕەوە بەرەو ئازادی هەنگاو دەنێین".

باوکی دەمیر گوتی: "ئێمە بێجگە لە مافی خۆمان داوای هیچی تر ناکەین"، دایکی دەمیر سوپاسی ڕێپێوانکەرانی کرد و ڕایگەیاند دەست لە دۆزەکەیان هەڵناگرن. یادەکە بە درووشـمی "شەهید نامرن" کۆتایی هات.