شاندی ئیمراڵیی پارتی دیموکراسی و یەکسانی گەلان (دەم پارتی) کۆتاییان هێنا  بە کۆبوونەوەکانیان کە لە هەولێرەوە دەستییان پێکرد و ئەمڕۆ لە سلێمانی کۆتای هات.

شاندەکە دوای کۆبوونەوەیان لەگەڵ سەرۆکی یەنەکە بافڵ تاڵەبانی و جێگیری سەرۆکوەزیرانی حکومەتی فیدراڵی هەرێمی کوردستان قوباد تاڵەبانی، سەردانی مەزارگەی مام جەلالیان کرد و تاجە گوڵێنەی ڕێز و وەفایان لەسەر گۆڕەکە دانا.

دواتر ئەندامی شاندەکە پەروین بوڵدان لە دەفتەری یادەوەرییەکاندا واژۆی کرد و ئەمەی گوت: "هێنانەئارای ئاشتی و ئازادی گەلی کورد کە ئاواتی مام جەلال بوو، خاوەنداریکردنە لە یادەوەرییەکانی. بەڵێن دەدەین ئەم خەونەی مام جەلال لە ئایندەیەکی نزیکدا بەدی بهێنین. سەربڵندین کە دڵسۆزیی بەڕێز ئۆجالان بە مام جەلال و کوڕەکانیمان ڕاگەیاند. بەڕێز و پێزانینەوە یادی مام جەلال دەکەینەوە."