تاژێ سەبارەت بە بوونی چەتە و تاوانباران لە ئیدارەی نوێ دیمەشق دا بەیاننامەیەکی بڵاو کردەوە و ڕایگەیاند، "جێگیرکردنی ئەبو حاتم لە ئیدارەی نوێی دیمەشق دا ئیدانە دەکەین. نابێت ڕێگە بدرێت ئەم تیرۆریستانە بەشداری لە حکومەتی نوێدا دیمەشق دا بکەن.
ئەمڕۆ لە ناوچەی سنونێ شەنگال، بزووتنەوەی ئازادی ژنانی ئێزیدی (تاژێ) بەیاننامەیەکی سەبارەت بە بەشداریکردنی زۆرێک لە بکوژانی ژنان و گەلان لە حکومەتی نوێی سوریادا بڵاوکردەوە. به تایبەتی له بەرامبەڕ بکوژی سەرۆکی پارتی داهاتووی سوریا، هەڤرین خەلەف کە له حکوومەتی کاتی سوریادا بەشدار کراوە و داوای له دامودەزگا نێونەتەوەییەکان و زلهێزەکان کرد که له پێکهێنانی حکومەتی نوێ سوریادا ڕەوڵی خۆیان بنوێنن.
لە ڕاگەیەندراوەکەدا وێنەی شەهید هەڤرین خەلەف و شەڕڤانی یەپەژە بارین بەرز کرایەوە. هەروەها ژنانی ئەنجوومەنی گەلی شەنگال و هاوسەرۆکی (مەخەدەشە) جیهان جەلۆ بەشدارییان لە بەیاننامەکەدا کرد. بەیاننامەکە لە لایەن وتەبێژی تاژێ ڕهام حەجۆ خوێندرایەوە.
ڕهام حەجۆ ڕایگەیاند کە لێدوانی بەرپرسانی هەتەشە و کارەکانیان یەک ناگرێتەوە و وتی" "دوای ڕووخانی ڕژێمی بەعس و دامەزراندنی حکومەتی کاتی بە سەرۆکایەتی هەتەشە، هەمووان چاوەڕێی ئەوە بوون بزانن چ پێشکەوتنێک یان پاشەکەوتنێک ڕوودەدات. بەڵام لە سەرەتاوە تا ئێستا لە لێدوانەکانی هەتەشە و بەتایبەتی سەرۆکی هەتەشەدا ناتەبایی زۆر هەبووە. دەبینرێت کە حکومەت پێکهێنراوە لە هەندێک کەس کە پێشووتر دەستیان لە تاوانەکاند هەبووە و لە سەرەتای شۆڕشی سوریاوە بەدیان کۆمەڵکوژییان لە دژی گەلانی کورد، مەسیحی و ئێزیددا کردووە.
'هەڤرین بۆ سووریایەکی دیموکراتیک هیوایەکی دامەزراند'
لەسەر بە ئامانجگرتنی هەڤرین خەڵەف و خەڵاتکردنی بکوژەکەی، رهام حاجۆ قسەی کرد: "وەک نمونەی ئەبوو حاتەم ڕاستەوخۆ دەستی لە شەهیدکردنی هەڤرین خەڵەفدا هەبوو. هەڤرین خەڵەف ژنێکی خاوەن ئیرادە و پێشەنگ، وەک پێشەنگێکی سووریا بوو، بۆ سووریایەکی دیموکراتیک تێکۆشانی دەکرد. بۆ ئەوەی هەموو پێکهاتەکان و ژنان لە سووریا بگەن بە هەقیقەتی خۆیان تێدەکۆشانی دەکرد. کەسێکی مەدەنی بێ چەک بوو، بەڵام ڕووبەڕووی دڕندەیی گەورە بوویەوە و لە لایەن حاتەم ئەبو شاکرا شەهید کرا. شوێنگرتنی کەسێکی وەها لە نێو حکومەتی نوێی سووریادا مەترسییەکی گەورەیە بۆ ڕۆژهەڵاتی ناوین. ئەمڕۆ چیدەکەن و ناکەن دیار نییە. هەروەها ئەبو عەمشە ئەندامی میتی تورکە. ئەندامی ئۆپراسیۆنی دەوڵەتی تورکە کە نیوەی خاکی سووریای داگیرکردوە. لە داگیرکرنی عەفرین و گرێ سپیدا بەشداربووە و دەستی لە خوێنی کوردان و مەسیحییەکان هەیە".
ڕهام حاجۆ ئاماژەی بەوەکرد کە کەسانی تیرۆریستیان خستۆتە نێو ئیدارەی نوێی سووریاوە و بەمجۆرە بەردەوامبوو: " بێ ئەوەی لێپرسینەوەیان لەگەڵدا بکرێت، لە حکومەت جێیان گرت. ئەم کەسانە تیرۆریستن. دەستیان لە خوێنی ژن، منداڵ و گەلاندا هەیە. وەک ژنانی ئێزدی زۆر ئازارمان بە دەستی ئەوان بینیووە. هەربۆیە جێگرتنی ئەوان لە حکومەتی نوێی سووریادا شەرمەزار دەکەین".
'کۆتایی بەم ڕووڕەشیە بێنن'
بەیاننامەکەی تاژێ بەم بانگەوازییە کۆتایی هات: "جارێکی دیکە پشتگیری لە ژنانی ڕۆژاوا دەکەین و دەڵێین، بەردەوامی بە ڕێبازی هەڤرین خەلەف و شەهید بارین دەدەین و داوا لە حکومەتی سوریا و هێزە جیهانییەکان دەکەین ئەم ڕووڕەشییە کۆتایی پێ بهێنن. ئەمڕۆ تیرۆریستان حکومەتی نوێ سوریا بەڕێوەدەبەن. بۆیە داوا لە دامەزراوە جیهانییەکان و ڕێکخراوەکانی ژنان دەکەین ئەم ڕووڕەشییە ڕابگرن."
بەیاننامەکە بە دروشمی 'ژن، ژیان، ئازادی' کۆتایی هات.
