حەمید کارتال گەریلای هەپەگە لە ١٥ی ئەیلولی ئەمساڵدا لە کوێستانەکانی ناوچەی بەیتانی شاری جۆلەمێرگ لە ئەنجامی شەڕ و پێکدادانێکدا لەگەڵ سوپای دەوڵەتی تورک، شەهید بوو.

خانەودەی کارتال بۆ پشکنینی DNA سەردانی داواکاری گشتیی جۆلەمێرگی کردبوو، داواکاری گشتی لە ١٦ی تشرینی دووهەمدا وڵامی خانەوادەی کارتالی دایەوە و پێیان راگەیاند کە دەتوانن تەرمی کوڕەکەیان وەرگرتن.

ئێوارەی هەمان رۆژ بۆ وەرگرتنی تەرمی شەهید حەمید کارتال، خانەودەکەی لە ئامەدەوە سەردانی جۆلەمێرگی کرد و رۆژی ١٧ی مانگ دوای ٧ کاتژمێر چاوەڕوانی، تەرمی شەهید لە نەخۆشخانەی دەوڵەتەوە رادەستی خانەوادەکەی کرا.

لە رێگای گەڕانەوەدا، لە دەیان خاڵی پشکنین رێگری و لێپرسینەوە لە خانەوادەی شەهید کرا و لە هەر وەستانێکش لێکۆڵینەوەیان لەگەڵدا کرا.

دوای چەندین رێگری و سەختی رێگا، خانەوادەی کارتال تەرمی شەهیدیان بە شەو گەیاندەوە گوندی رەشکای فارقین و نیوەشەو تەرمی شەهید لە مەراسیمێکدا بە ئامادەبوونی ئەندامان و بەڕێوەبەرانی هەدەپە، دەبەپە، مەبیا-دەر و دیک و توئای-دەر و کەسوکاری شەهید و چەندین کەسی تر، بەخاک سپێردار.

ز.ش