ئاژانسی مێزۆپۆتامیا وێنەی ساتی کەوتنەوەی ئاگرەکەی ١٨ی حوزەیرانی ئەو ناوچەیەی بڵاوکردەوە، کە هاوکاتبوو لەگەڵ دەستپێکردنی ئۆپراسیۆنەکە و تا ٢٢ی حوزەیران بەرەو دەشتاییەکانی کەرجەوس بەرفراوان بوو.

لە وێنەکەدا بە روونی دەبینرێت کە لە رێگەی هەلیکۆپتەرەوە بۆردومان ئەنجام دەدرێت و ئەوەش دەبێتە هۆی ئاگرکەوتنەوە.

لە ٢٢ی حوزەیراندا لە گوندی بلەخشێ هەلیکۆپتەر بۆردومانێک ئەنجام دەدات و ئاگر دەکەوێتەوە. ئاگرەکە رێگە لەبەردەم زیانێکی زۆر دەکاتەوە. سەربازەکان رێگەنادەن دانیشتوانی ناوچەکە ئاگرەکە بکوژێننەوە و ئاگرەکە دەگاتە ناو گوند. ئاگرەکە لە ٢٣ی حوزەیران بە هۆی ئەو بارانەی ناوچەکەی گرتبووەوە کوژایەوە.

هـ . ب