سەعید خەتیبزادە لە تارانی پایتەختی ئێران کۆنفڕانسی ڕۆژنامەنووسی ئەنجامدا و وتی، " ئەو روداوانەی لە ڤیەننا رودەدەن، ئەنجامی هەوڵی هەموو لایەنەکانن بۆ رێککەوتنێکی ئارام."

خەتیبزادە ئاماژەی بەوەکرد، " لە چوار بابەتدا کە باس کراون، پێشکەوتنی باش هەیە کە ئەمانەن، هەڵگرتنی گەمارۆکان، کێشەی ئەتۆمی، کۆنتڕۆڵکردن و وەرگرتنی گەرەنتی."

گوتەبێژی وەزارەتی دەرەوەی ئێران لەبارەی پرسی ئەتۆمی رایگەیاند، کێشەی جیاوازی گرنگ هەن کە پێویستە قسەیان لەسەر بکرێت و گوتی، " لە هەندێک خاڵدا ئەنجاممان بەدەستهێناوە و ئەگەر نیەتی لایەنەکان باش بێت، پێشکەوتن دروست دەبێت."

ئەمریکا بەهۆی ئەوەی لە ساڵی ٢٠١٨دا یەکلایەنە لە پرسی ئەتۆمی کشایەوە، بەشێوەیەکی ڕاستەوخۆ بەشداری لە دانوستانەکانی ڤیەننادا ناکات.

ف.ق