ئۆپراسیۆنی قەسەدە: سەرچەتەیەک دەستگیرکرا
قەسەدە رایگەیاند لە ئۆپراسیۆنێکدا لە دێرەزۆر لەدژی شانەکانی داعش سەرچەتەیەک دەستگیرکراوە.
قەسەدە رایگەیاند لە ئۆپراسیۆنێکدا لە دێرەزۆر لەدژی شانەکانی داعش سەرچەتەیەک دەستگیرکراوە.
هێزەکانی سوریای دیموکراتی (هەسەدە) راگەیەندراوێکی لە ماڵپەرەکەیدا بڵاوکردەوە و ئاشکرای کرد، لە ناوچەی ئەلکەسرای دێرەزۆر لە ئەنجامی ئۆپراسیۆنێکی هێزەکانیان و هاوپەیماناندا سەرتەچەیەکی داعش دەستگیرکراوە.
قەسەدە لە راگەیەندراوەکەدا ئاماژەی بەوەکرد کە ئۆپراسیۆنەکانی هاوبەشی هێزەکانیان و هاوپەیمانی نێودەوڵەتی دژی داعش بەردەوامە و لە ماوەی دوو حەفتەی رابردوودا پێنج ئۆپراسیۆنیان ئەنجامداوە.
قەسەدە دەڵێت، " رۆژی هەینی ١٥ی کانونی یەکەم بە پشتگیری هێزەکانی هاوپەیمانان لە ناوچەی ئەلکەسرای رۆژئاوای دێرەزۆر ئۆپراسیۆنێک ئەنجامدراوە و لە ئەنجامدا ئەمیرێکی رێکخراوی تیرۆریستی داعش دەستگیرکراوە کە بەرپرسی رێکخستن و چالاکییە تیرۆریستیەکانی داعش لە هەرێمەکە بووە."
هەروەها قەسەدە باسی ئەوەی کرد کە لە ئۆپراسیۆنەکەدا دەست بەسەر ژمارەیەک ئامێری پەیوەندی و بەڵگەدا گیراوە.
ف.ق