ناوەنڎو یاۋنەری و  چاپەمەنی هەپەگەی سەبارەڎ بە شناسنامەو ٢ گەریلایا کە گەشمەڕدۍ بیېنۍ یاۋنەریېۋەش ۋەڵاکەرڎۊ. یاۋنەریەکەو هەپەگەی پی جۊرەنە:

"٢٠ تشرینی یوۋەمو ٢٠٢٢ جە مېڎانو کرۍ هەلاجی گلیداخی، جە ئاکامو جەنگېوە دژوارینە جە بەینو هێزەکاما و سوپاو تورکی ئەرەگیرینە چا جەنگەنە هێزەکېما چالاکیېوە بەقوەتشا ئەنجامدا، ٤ جارۍ دژبە دوژمنی بە سابۆتاژ چالاکیشا ئەنجامدا و لانیکەم ٤ ئەرەگیرۍ سزادریۍ، یۊتەریچ بە سەختی زامڎاربی. چا جەنگەنە هامڕېما جاندا و مەزڵوم کە بە ئازایەتیۍ گۊرۊ جەنگشا کەرڎ و گورزۍ کاریگەرەشا ئەو دوژمنی ئەشا، گەشمەرڎۍ بیۍ. هامڕېما جاندا و مەزڵوم پېسە جەنگاوەرۍ دیارو ئیراڎەی ئاپۆیی دژبە تەکنەلۊجیا و هجومەکا دوژمنی هەنگامېوەیچ جە مدرامانی پاشەکشەشا نەکەرڎ، گورزۍ قورسەشا ئەو دوژمنی ئەشا و بیۍ بە سەرمەشق و مدرامانی جە سەرنیشتوو کورڎسانی.

هەردوۋە هەڤاڵەکېما بە وشیاریۍ بەرزی نەتەۋەیی و ۋڵاڎپارێزییۊ جە وەرنیشتو و وەرکەوتوو کورڎسانیوە روۋەشا کەرڎە سەرنیشتوو کورڎسانی. بە ئازایەتیی ۋېشا و دڵسۆزیشا پۍ ئامانجەکا ئازاڎییشا بیۍ بە جەنگاوەرۍ نمونەیی ئاپۆیی. سەرەتا سەرەوەشی جە خانەواڎەی بەرێزیشا کەرمۍ کە جەنگاوەرۍ گیانبازۍ پی جۊرەیشا کیاستېنۍ دلۍ ریزەکا کۊشیای ئازاڎیی گەلوو کورڎی، حەرپاسە سەرەوەشی جە گەلی ۋڵاڎپارێزو کورڎسانی بەتایبەتتەر خەڵکو وەرنیشتی و وەرکەوتوو کورڎسانی مکەرمۍ.

زانیاری سەرو شناسنامەو حەر دوۋە هامڕۍ گەشمەرڎەیما پی جۊرەنە:

ناسنامۍ: جاندا چیا

نامۍ و دمانامۍ: ژیان عەبدوڵا

یاگۍ جە ئەڎابیەی: تربەسپی

نامۍ ئەڎۍ و نامۍ تاتەی: مەنیفا- محەمەد خێر

وەخت و یاگۍ گەشمەرڎەبیەی: ٢٠و تشرینی یوۋەمو ٢٠٢٢/ سەرحەڎ

ناسنامۍ: مەزڵوم رۆژهەڵات

نامۍ و دمانامۍ: سۆڵدا درەخشانی

یاگۍ جە ئەڎابیەی: ماکو

نامۍ ئەڎۍ و نامۍ تاتەی: کودرەت- عەلی

وەخت و یاگۍ گەشمەرڎەبیەی: ٢٠و تشرینی یوۋەمو ٢٠٢٢/ سەرحەڎ

هـ . ش