بەڕێوەبەرایەتی بەرگریی شارستانی زاخۆ لە پارێزگای دهۆک رایگەیاند کە دوو کەس کەوتوونەتە رووبارەوە و خنکاون.

راگەیەندرا کە پێشنیوەڕۆی دوێنێ کوڕ و کچێکی گوندی گوزگیرانی ناوچەی سجێلا کەوتوونە ناو ئاوەوە خنکاون.

راگەیەندرا کە تائێستا تەرمەکان نەدۆزراونەتەوە و لێکۆڵینەوەش لەو بارەوە دەستیپێکردووە.

بەڕێوەبەرایەتیەکە لەبارەی شێوازی کەوتنە ناو ئاو و تەمەن و ناسنامەی ئەو دوو کەسە خنکاوەوە هیچ زانیارییەکی رانەگەیاندووە.

شایەنی باسە دوێنێ لە سنووری شارۆچکەی چۆمانیش باوک و کوڕێک کەوتبوونە ناو ئاوەوە و ژیانیان لەدەستدابوو. تەرمی باوکەکە دۆزراوەتەوە و تائێستا تەرمی منداڵەکە نەدۆزراوەتەوە.

هـ . ب