لە ئامەد و ئەدەنەنە بە دروشموو "بژیوۆ مدرامانوو زیندانەکا" دژوو قەرارو دۆسیەو کۆبانێ و سزاو سیاسەتمەداراو کوردی وێنیشانەدای شەرمەزارکەردەی کریا.

ئامەد

مەنتێقەو شاری تازەو و ڕێزانوو ئامەدینە، بەقایەتیی پارتوو یەکسانی و دیموکراسیی گەلا (دەم) بە بەشداریی فرەو کەسا قەراروو دۆسیەو کۆبانێ بە چالاکی شەرمەزار کریا.

مەنتێقەو ڕێزانینە بە سەدان هاموەڵاتێ بە دروشموو "بژیوۆ مدرامانوو کۆبانێ" و "ئامەدی خاوەنداریی وەنەو ئیرادەو وێت بکەرە" جادەکانە ڕاشا پیما. هاموەڵاتێچ پەنجەرەو یانەکاشاوە بە چەپڵێ خێرشا ئاردێ. میانەو ڕاپیمایەکەینە، هامسەرۆکوو دەم پارتی ئامەدی عەباس شاهین واتش، پێویسا گەل خاوەنداری وەنەو ئیرادەو وێش بکەرۆ.

هەرپاسە  ئەنداماو پارتەکەی داواشا وەنەو خەڵکی کەردە، کە سەوای سەعات ١٣.٠٠ وەردەموو جەیلان ئاڤمینە بەشدارێ چالاکیی بانێ.  

ئەنداماو دەم پارتی، ئەدایاو ئاشتی، جمیەروو ژەنە ئازادا (تەژەئا) و ئەنداماو دەبەپەی گەڕەکەو ئۆفیسوو شاری تازەینە جەمێ بیێ و بە دروشموو "بژیوۆ مدرامانوو زیندانی" و "بە مدرامان سەرێ مگنمێ" ڕاشا پیما و داواشا وەنەو خەڵکی کرد بەشدارێ چالاکییەکەو سەوای با.

ئەدەنە

ئەنداماو ئەنجوومەنوو گەنجاو دەم پارتیی ئەدەنەی بە ڕاپیماێوە قەراروو دۆسیەو کۆبانێ دژوو سیاسەتمەداراو کوردیشا شەرمەزار کەرد. گەنجاو سەیهانوو ئەدەنەی جەمێ بیێوە و بە دروشموو "کۆبانێ نەکەوتە، ئانە شمەندێ کەوتێندێ"، "بژیوۆ مدرامانوو زیندانەکا"، "زیندانێ سیاسیێ کەرامەتوو ئێمەنێ"، " هەدەپە گەلا، گەل ئینا چێ". "، "گرد یاگێونە کۆبانێ، گرد یاگێونە مدرامان " و "سەلاحەدین دەمیرتاش کەرامەتمانە" قەراروو دۆسیەو کۆبانێ-شا شەرمەزار کەرد.