کۆمیتەو ڕاوەبەری جمیەرو شۆڕشگێڵنی یۆگێرتەو گەلا، گەشمەرڎۍ ١٨و ئایاریش بە ڕێزوو حورمەتۆ یاڎ ئاردێوە.

هەبەدەهە بەیاننامێوە نویسیاش وەڵا کەردۆ و ئەرەیاۋناش: "مانگەو ئایاری جە وەڵینگەو ئاخێزوو جیهانی و کۊشیای ئاخێزی جە تورکیا و کوردسانەنە، یۆ چا مانگانە کە فرەتەرین کۊشیایش چنە کریان. جە شۊنێوەنە کە ئێمەش ئینایمۍ چنە، یۆ چا ڕووا کە ئی تایبەتمەندییە ناوازەیە پی مانگۍ بەخشۆ ١٨و ئایارین. جە تورکیا و کوردسانەنە کۊشیای و مدرامان جە ١٨و ئایارینە یاوان بە قولەپۊپە و بە تایبەتمەندی زینڎە و ئاردەینەرەو ۋێش، بی بە قۆناغێوە تاریخی کە ئیساتۍ و ئاینڎەی دیاری مکەرۆ. ئینە تەنیا پېسە ڕووێوە جە ساڵنامەنە تەماشە مەکریۆ، بەڵکم ڕۊو کۆڵنەڎای ئاخێزی، سەرکەوتەی و ماڕای دوژمنی و ڕۊشنکەردەیۆ ئاینڎەین.

ئانۍ جە ١٨و گوڵانینە جەوهەروو کۊشیای ئێمەشا پەی ئاخێزوو یۆگێرتەو گەلا فاڕا، سەرمەشقۍ و ڕابەرۍ شۆڕشگێڵنۍ ئیبراهیم کایپاک کایا، حەقی کارەر و چاران (فەرهادکۆرتای، ئەشرەف ئانیک، محەمەد زەنگین و نەجمی ئۆنەر)بێنۍ. "هەر یۆشا بە ۋێڕاگری ۋێش کۊشیای ئێمەشا پەی ئاخێزێوە یۆگێرتەی دیاری کەرد."

جە بەیاننامەکەنە ئاماژە پینەیچ کریان:

" شۆڕشی یۆگێرتە چەمەڕاو ئەرک، کۊشیای و ۋەرپرسیارییەکا ئێمەن. ڕابەری شۆڕشگێڵنی نەمر ئیبراهیم کایپاک کایا، شۆڕشگێڵنی ئینتەرناسیۆنالیست حەقی کارەر و چاران کە ئاێروو باوەڕی و مدرامانیشا جە زینڎانو ئامەدینە بەرپاکەرد، ڕاو کۊشیایما پەی ئاخێزێوە یۆگێرتەی ڕۊشن مکەراوە. ڕاو شۆڕشی یۆگێرتەی، ڕاو ئاێرینەو ١٨و ئایارینە. قەولشا پنە مڎەیمۍ؛ شۊڕشی یۆگێرتە سەرگنۆ، گەلەکەما سەرگنۆ، فاشیزم هۊرشێویۆوە!"