یادەکە لە کەسایەتی شەهیدانی هەڵەبجە بە خولەکێک بێدەنگی بۆ یادی سەرجەم شەهیدانی کوردستان، دەستی پێکرد.

دواتر وتار پێشکەش کرا و زانیاری لەسەر کۆمەڵکوژی هەڵەبجە باس کرا. لەو وتارەکاندا ئاماژە بەوە کرا؛ "بۆ ئەوەی ئەو جۆرە کۆمەڵکوژیانە بەسەر گەلی کورددا دووبارە نەبێتەوە، پێویستە کورد ناکۆکییە ناوخۆییەکانی وەلا بنێت و یەکڕیزیی خۆی بنیات بنێت".

هەروەها لە مەراسیمەکەدا باس لە بانگەوازییەکەی ڕێبەر ئاپۆ بۆ ئاشتی و کۆمەڵگای دیموکراتیک کرا و ڕاگەیەندرا، "پێویستە گەلی کورد و هەموو پێکهاتەکانی کوردستان بە باشی لەم پرۆسەیە تێبگەن و خاوەنداری لێبکەن".

مەراسیمی بە بیرهێنانەوەکە بە دروشمی "شەهیدانی هەڵەبجە نامرن"، "شەهیدان کەرامەتی ئێمەن"، "مەرگ و نەمان بۆ فاشیزم و دیکتاتۆری"، "بژی گەریلا"، "بژی ڕێبەر ئاپۆ" کۆتایی هات.