دۆناڵد ترەمپ، سەرۆکی ئەمریکا ڕایگەیاندکە ئەوان هیچ پەیوەندییەکیان بە هێرشەکانی ئیسرائیلەوە بۆ سەر ئێران نییە و هەڕەشەی ئەوەشی کرد، ئەگەر ئێران بە هەر شێوەیەک هێرش بکاتە سەر ئەمریکا، ئەوا بە هەموو هێزیانەوە وڵام دەدەنەوە.
دۆناڵد ترەمپ، سەرۆکی ئەمریکا سەبارەت بە ئەگەری هێرشکردنە سەر بەرژوەندییەكانیان لەلایەن ئێرانەوە لە پەڕەی تایبەتی خۆی لە تۆڕی کۆمەڵایەتی ترووس سۆشیاڵ بەم شێوەیە زانیاری بڵاوکردەوە.
دۆناڵد ترەمپ بڵاوی کردەوە، ئەگەر ئێران بە هەر هۆکارێک بیەوێت هێرش بکاتە سەر بەرژەوەندییەكانی ئەمریکا بە هەموو هێزیانەوە وەڵامیان دەدەینەوە.
وتیشی: ئێمە دەتوانین بە ئاسانیی ڕێککەوتنی نێوان ئیسرائیل و ئێران ئەنجام بدەین. ئەمریکا هیچ پەیوەندی بە هێرشەکانی ئیسرائیل بۆسەر ئێران نییە.
ئەوەش لە كاتێكدایە، ڕۆژی ١٣ـی ئەم مانگە ئیسرائیل لە ڕێگەی دەیان مووشەک و فڕۆکەی جەنگییەوە هێرشی كردە سەر ئێران، پێگە سەربازی و ئەتۆمییەکانی لە سەرتاسەری ئێران کردە ئامانج و لە ئەنجامدا زیاد لە ١٠ بەرپرسی باڵای ئەمنی و سەربازیی و زانای ئەتۆمی ئەو وڵاتە كوژران.
جێگای ئاماژەیە، لە وەڵامی هێرشەكانی ئیسرائیل سوپای پاسداران لە ڕێگەی زنجیرەیەك هێرشی مووشەکی دەیان شوێنی لە ئیسرائیل کردە ئامانج و شەڕەکە بەردەوامی هەیە.
